KINOBAḺIAN 47:22 - Alkitab Singog In Mongondow Masa In Tanaa

²² Tongádon butá in imang mita in diá sinaḷui i Yusup. Mosia in diá bidon paraḷu mopotaḷui in butá monia sin mosia in tantúbí pinosadiaan i datu kon onu in paraḷu kon kobiagan monia.

KINOBAḺIAN 47:22 Iomraidhean Croise

KINOBAḺIAN 14:18

Ki Melkisedek, datu in Salem inta nokadai doman kon oaidan in imang i Allah in Totok Moḷantud, nodia kon roti bo anggur sin ogoi kon i Abram,

KINOBAḺIAN 41:45

Bo ki Yusup in sinangoianneadon in tangoi in intau Mesir, ki Zapnat-Paaneah. Inogoiannea domandon in buḷoi inta tangoinea ki Asnat, ki adí i Potisaḷaka inta nobaḻí imang kon kotá in Heliopolis. Ki Yusup umur toḷu nopuḷú notaong dodai in sia nogaid kon tayowon i datu in Mesir. Dá nobuatdon in ki Yusup nongkon komaḻig i datu bo minayá noḻibu kon bayongan butá in Mesir.

KINOBAḺIAN 41:50

Kon dodai in diápa noiangoi sempo in malarat, ki Asnat ki buḷoi Yusup nopononggadídon in adí ḷoḷaki doyowa.

KINOBAḺIAN 47:21

Bayongan rayat in Mesir binaḻídon i Yusup bobantung.

KINOBAḺIAN 47:23

Ki Yusup in noguman kon rayat mita tatua, “Indoiaika, moiko bo butámu ain sinaḷuiku bo inogoi kon i datu. Naadon in bibit inta motaau pomuḷaan monimu kon gobá tatua.

KINOBAḺIAN 47:26

Noiduduimai kon tua binaḻídon i Yusup atorang kon butá in Mesir in soaḷ seperlima nongkon bungai in boyó musti mobaḻí kapunyaan i datu. Dapot masai in naa atorang tatua umuranpa pinaké. Tongábí butá mita in imang mita in diá nobaḻí kapunyaan i datu.

SAMUEL 2 8:18

Tongguḷu in moḷoḷukad tontaní i datu: ki Benaya adí i Yoyada; Imang mita kon komaḻig: ki adí mita ḷoḷaki i Daud.

EZRA 7:24

Moiko in diábí motaau in moigum kon pajak nongkon imang mita, intau in Lewi, mododondong, moḷoḷukad kon bonawang, mogogaid, andeka ki inekabí inta oyúon in oaidannea kon Baḷoi Tuhan.

NEHEMIA 13:10

Koḻikud intua, kinobayáankumai in intau mita inta mopogogitogmai in musik bo intau mita in Lewi in nonaḷámaidon kon Yerusalem bo nobui kon gobánea-gobánea, sin rayat in diádon nobogoi kon onu in pakéon monia.

MATIUS 10:10

Donaai in moiko mobaḷun kon binayáan, donaaidon modia kon ḷambung doyowa no par, aip in sioḷ andeka tungkud, sin intau inta mogaid patusbí motarima kon boḻi in pinogaidannea.

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.

GALATIA 6:6

Intau inta notarima kon totundú i Kristus, musti mosilai doman kon i gurunea kon bayongan inta mopia, inta oyúon kon inia.

ULANGAN 12:19

Ḷukadai sinbá diá modapot in moiko mopomayá mako in kaum Lewi moiḷaḻe kon bonu in moiko mogutun kon butá tatua.

TESALONIKA 2 3:10

Sin kon wakutu in kami kon yua-yuakpa monimu naa in atorang inta pinoguman nami kon i monimu, “Aka intau doí mogaid yo donaai mongaan in sia.”

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.