KINOBAḺIAN 47:19 - Alkitab Singog In Mongondow Masa In Tanaa

¹⁹ Donaai pomayá mako matoi in kami! Donaai pomayá mako in gobá nami diá in mangaḻenea. Uboḻiaidon in gandum in kami bo butá mita nami. Kami bo butá nami in mobaḻídon kapunyaan i datu. Ogoiaipa kami in gandum sinbá mobiagpa in kami bo ogoiaipa doman in bibit sin pomuḷaan kon gobá tatua!”

KINOBAḺIAN 47:19 Iomraidhean Croise

KINOBAḺIAN 41:36

Gandum tatua in mobaḻí toibaḷun in kaanon kon bonu in pitu notaong kon sempo in malarat inta kon singgai moiduduimai kon Mesir. Takin natua rayat mita diábí matoi in gogoy.”

KINOBAḺIAN 47:15

Naonda in nodait in doit kon Mesir bo kon Kanaan, intau mita in Mesir namangoi kon i Yusup bo noguman, “Ogoiaipa in kaanon kami! Donaaidon pomayá mako matoi in kami. Doit nami ain nodait.”

KINOBAḺIAN 47:18

Kon taong noiduduimai bui namangoi in mosia kon i Yusup bo noguman, “Kami in mogumandon taran-tarangan kon i Tuang kon doit nami ain nodait bo bobiagon nami ain nobaḻí doman kapunyaan i Tuang. Kami in diádon koonu bo onu inta motaau ogoi nami kon i Tuang, koḻikudon in awak nami tontaní bo butá nami.

KINOBAḺIAN 47:20

Bo ki Yusup in notaḷui kon bayongan butá kon Mesir bo inogoi kon i datu. Komintan intau in Mesir pakisadon nopotaḷui in butánea, sin popisí in sempo in malarat inta totok in motoyang tatua; bo bayongan butá kon Mesir nobaḻídon kapunyaan i datu.

AYUB 2:4

Táe Ibilis in notubag,, “Dimukud bo awak mosehat in moḷobe-ḷoben in mangaḻenea nongkon kapunyaan. Intau in mokobaḻíbí in mobogoi kon bayongan kapunyaannea asaḷ bo umuran mobiag in sia.

OMBAḶ 1:11

Takin ombaḷ intaunea mita notayak kon pakéon kobiagan; pakakat mita inta koboḻi pinonoḻiu monia kon roti, tongá popisí in bá umuranpa in mosia mobiag bo diápa matoi. Yerusalem in nokuani, “O Tuhan, indoiaipa kaasí in akuoi, indoiaipa kaasí in bayongan in rorigaku.”

OMBAḶ 5:6

Kami in minayá noigu-igum mako kon Mesir, kami in noigum kon kaanon kon Asyur.

OMBAḶ 5:9

Kon ḷuai in kotá, moḷoḻimod nodondaḷoi magí mako; diá kodimu-dimukud in kami kon dodai in motayak kon kaanon.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?