KINOBAḺIAN 47:15 - Alkitab Singog In Mongondow Masa In Tanaa

¹⁵ Naonda in nodait in doit kon Mesir bo kon Kanaan, intau mita in Mesir namangoi kon i Yusup bo noguman, “Ogoiaipa in kaanon kami! Donaaidon pomayá mako matoi in kami. Doit nami ain nodait.”

KINOBAḺIAN 47:15 Iomraidhean Croise

KINOBAḺIAN 41:36

Gandum tatua in mobaḻí toibaḷun in kaanon kon bonu in pitu notaong kon sempo in malarat inta kon singgai moiduduimai kon Mesir. Takin natua rayat mita diábí matoi in gogoy.”

KINOBAḺIAN 47:16

Ki Yusup notubag, “Aka doitmu ain nodait, yo ogoidon in biagmu; bá ogoianku in kaanon monimu.”

KINOBAḺIAN 47:24

Kon dodai in mosipundon kon boyó, moiko musti in mobogoi kon i datu in seperlima nongkon bungai in boyó tatua. Noiḻiu kon tua kon tua motaaubí pakéon monimu pomuḷaan bui ande kaanon monimu takin buḷoi bo adímu.”

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

MATIUS 6:11

Ogoiaidon kaanon in kami in singgai naa, inta tugat kon inami.

HAKIM MITA 8:5

Onda intua mosia nodapotdon in Sukot. Kon tua ki Gideon in noguman kon intau inta nogutun kon kotá tatua, “Tuḷungaipa ogoiai in kaanon topiḻikmai in intauku mita tanaa. Mosia in moḷopídon totok tongá kami in mustipa mogaḷow kon i Zebah bo kon i Salmuna, datu mita in Midian tua.”

HAKIM MITA 8:8

Onda intua ki Gideon nongingguputdon kon bobayáan bo nodapot kon Pnuel. Kon tua in sia noigum doman kon kaanon sin ogoi kon intaunea mita. Táe tubag in intau in Pnuel ná doman tubag in intau in Sukot.

SAMUEL 1 21:3

Ampungdon, moḻibó in akuoi in tanaa, onu degá in kaanon nion kon i Amá? Ogoiaipa in akuoi in roti ḻima nobatú andeka onukadon in oyúon kon naa.”

SAMUEL 1 25:8

Tungkuḷaidon ḻibó kon i monia, notantúbí kon totuuon monia intua. Manangka intua, haraponku mako sinbá intauku mita in tarimaan mopia kon baḷoimu, sin kami in namangoi kon singgai moḷoben naa. Ogoiaipa kaasí in bobantungmu mita naa bo akuoi, ki Daud, inta yobayatmu mopia, tongáka onu in koibogmu ogoi.”