KINOBAḺIAN 47:12 - Alkitab Singog In Mongondow Masa In Tanaa

¹² Bo ki Yusup noposadia in onu in paraḷu kaanon i amá, i utat bo bayongan ginaḷum motoḷuadínea, nodapot kon inta adípa mita.

KINOBAḺIAN 47:12 Iomraidhean Croise

KINOBAḺIAN 45:10

Ki Amá in motaaubí mogutun kon butá in Gosyen, modiug kon inakó – ki amá takin adí bo ompu, domba, bembé, sapi bo bayongan kapunyaan i amá.

KINOBAḺIAN 45:11

Aka ki amá kon Gosyen, yo akuoi in motaau moḷukad kon i amá. Sempo in malarat naa in ḻimapa notaong bo usahaanku sinbá ki papa takin adí mita bain ompu bo ginaḷum bo bobiagon i amá diá in matoi in gogoy.’ ”

KINOBAḺIAN 45:7

Ki Allah ain nodia kon inakó inumuna kon i monimu sin moposaḷamat kon i monimu pinongin daḷan inta mokoherang tanaa, bo mojamin kon kasaḷamatanmu bo tondoḷ in buímu.

KINOBAḺIAN 47:1

Noiduduimai kon tua ki Yusup nodia kon i utatnea taya ḻima bo minayá kon tayowon i datu. Gumannea, “Ki Amá bo ki utatku mita aindon namangoi nongkon Kanaan takin paanan in bembé domba, sapi bo bayongan kapunyaan monia. Tanaa mako mosia in tuadon kon daerah in Gosyen.” Bo pinoyogintaauneadon in ki utatnea mita tatua kon i datu.

KINOBAḺIAN 47:21

Bayongan rayat in Mesir binaḻídon i Yusup bobantung.

KINOBAḺIAN 47:24

Kon dodai in mosipundon kon boyó, moiko musti in mobogoi kon i datu in seperlima nongkon bungai in boyó tatua. Noiḻiu kon tua kon tua motaaubí pakéon monimu pomuḷaan bui ande kaanon monimu takin buḷoi bo adímu.”

KINOBAḺIAN 50:21

Donaai mosingkúang mako in gina. Posadiaankubí in moiko kon onu inta paraḷu pakéon monimu motoḷuadí.” Natuata in pinoḷoḻipoi i Yusup kon ondok i utatnea mita. Sia nopoyaput in tosingogon tatua takin dodia moaḷus bo ḷukó in pososingog.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

YESAYA 22:24

Táe ginaḷum takin motoḷuadínea mita kon bonubí in totaaunea. Mosia in tongádon mopoandoḷ mako in kobiagan monia kon inia, naonda bo kuyon pinopobambé kon pakú.

TESALONIKA 1 2:7

Táe kami in tongábí umuran mokopopia kon oaid wakutu in kon yua-yuakpa monimu, naonda bo guyanga bobay monompia kon i adínea.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

TIMOTIUS 1 5:4

Táe aka intau boba-bobay tatua kogadípa ande kogompupa, yo ki adínea andeka ki ompuneapa tatua in muna tongginaan kon bá umuran tarukiraan in guyanga monia tatua, bo motuḻí kon tabi i iná ande i baay monia tua, sin tuabí in kinoibog i Allah.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

RUT 4:15

Ki mototakamu tua in totokbí in motabi kon inimu. Sia in nobogoidon kon inimu in noiḻiu kon onu inta motaau ogoi in intau ḷoḷaki pitu. Tanaa sia in nobogoidon doman in ompu ḷoḷaki tobatú kon inimu, inta moporoton bui kon ginamu, bo inta moḷukad kon inimu kon kogoguyangannea.”