KINOBAḺIAN 47:11 - Alkitab Singog In Mongondow Masa In Tanaa

¹¹ Ki Yusup notuḷung kon i amá bo kon i utatnea mita nogutundon notantú kon Mesir. Sinilainea in mosia in butá inta totok mopia kon sigad in butá kon tua inta kon diug in kotá in Rameses, podudui in parenta i datu.

KINOBAḺIAN 47:11 Iomraidhean Croise

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

KINOBAḺIAN 47:27

Natuata intau mita in Israel nogutun notantú kon Mesir, kon butá in Gosyen. Mosia in nobaḻí nooyúon bo nononggadí nononggompu nobayong kon tua.

KINOBAḺIAN 47:6

Anggapdon butá in Mesir naa ná doman onda bo butámu tontaní. Pomayádon mako in mosia mogutun kon butá in Gosyen, butá inta totok in mopia kon sigad in butá mita kon naa. Bo aka oyúon in kotaauanmu kon sigad monia in mopandoi monombobiagon yo pokiḷukadaidon in bobiagonku.”

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 12:37

Intau Israel nobuat bo minaya-mayá in sioḷ nongkon kotá in Raamses nopobayá in kotá Sukot. Kobayong monia tua in 600.000 noribu intau, diá bidon pinoyoiap in bobay bo adí mita.

YESAYA 22:24

Táe ginaḷum takin motoḷuadínea mita kon bonubí in totaaunea. Mosia in tongádon mopoandoḷ mako in kobiagan monia kon inia, naonda bo kuyon pinopobambé kon pakú.

PINOGIAPAN 33:3

Bangusa Israel nonaḷámai kon Mesir kon singgai impuḷú bo ḻima buḷan imitánea, tosinggai kon naonda in nopaḷut mako in Paska inta muna-munamai. Kon bonu in totuḷung i Tuhan mosia nonaḷámai kon kotá in Rameses, koonto-ontong in bangusa Mesir,

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

YOHANES 10:28

Mosia tua in ogoian-Kubí in kobiagan mononoi, bo nopasti bidon kon diábí moputu-putú. Diábí tobatúmai intau in mokoagow kon i monia nongkon ḻima-Ku.

YOHANES 14:2

Kon Baḷoi i Amá-Ku nobayong tampat pogutunan. Akuoi in mayá intua sin moposadia kon tampat kon i monimu. Akuoi in diábí moguman natua aka kuma bo tua in diábí natua.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.