KINOBAḺIAN 47:10 - Alkitab Singog In Mongondow Masa In Tanaa

¹⁰ Onda intua ki Yakub nopoigumdon mayá bo nobogoi in barakat kon poyogapían.

KINOBAḺIAN 47:10 Iomraidhean Croise

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

KINOBAḺIAN 47:11

Ki Yusup notuḷung kon i amá bo kon i utatnea mita nogutundon notantú kon Mesir. Sinilainea in mosia in butá inta totok mopia kon sigad in butá kon tua inta kon diug in kotá in Rameses, podudui in parenta i datu.

KINOBAḺIAN 47:7

Ki Yusup nodia doman kon i amánea kon tayowon i datu sinbá kotaauan domandon i datu. Ki Yakub nomarakat kon i datu,

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

SAMUEL 2 8:10

Dá nopotabá in sia kon i Yoram ki adínea ḷoḷaki sin mopoyaput in salam kon i Datu Daud bo mopoyaput in tosingogon saḷamat kon kinountungannea tatua, sin ki Hadadezer in mokakitdon in moparang takin i Tou. Ki Yoram in namangoi kon i Daud kodia-dia in tombuinag nobayong nongkon buḷawan, saḷaka bo bitú.

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

MAZMUR 129:8

Intau mita inta moitaḻib in diábí moguman, “Igumon mako iko in barakatan i Tuhan, kami in momarakat kon inimu kon bonu in tangoi Tuhan.”

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

IBRANI 7:7

Totuu kon diábí motaau bayowan, kon intaubí inta binarakatan in moompá-ompá nongkon intau inta nomarakat kon inia.

YOSUA 14:13

Dá ki Yosua in nomarakat kon i Kaleb adí i Yepune, bo nobogoi kon inia in kotá in Hebron nobaḻí butá kapunyaannea.

RUT 2:4

Diá noonggot kon tua ki Boas namangoi nongkon Betlehem bo nopoyaput in tosingogon tanaa kon intau mita inta mororatab tatua, “Poigumon mako ki Tuhan kotaki-takin monimu,” Intau mita mororatab tatua in notubag, “Poigumon mako ki Tuhan momarakat kon i Amá.”