KINOBAḺIAN 46:1 - Alkitab Singog In Mongondow Masa In Tanaa

¹ Ki Yakub nonoinutdon kon bayongan in kapunyaannea bodongka nobuat. Nodapotmai kon Bersyeba sia noposumbadon in kuruban kon i Allah inta sinumba i Ishak ki amánea.

KINOBAḺIAN 46:1 Iomraidhean Croise

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 21:31

Tuamai tampat tatua in sinangoian intau Bersyeba, sin kon tuata taya dua nongongibotan.

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

KINOBAḺIAN 22:13

Bo ki Abraham nobobui bo nokoontong kon domba koḷakian tobatú kon tumineamai, Tungoi in domba tatua noikarit kon singsing mita. Ki Abraham minayá nogamá kon domba tatua bo dongka pinosumbanea kon i Tuhan saḷaku kuruban sinubá nobaḻí toḻiu i adínea.

KINOBAḺIAN 28:10

Ki Yakub nonaḷámai kon Bersyeba bo minayá in Haran.

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

KINOBAḺIAN 33:20

Onda intua sia in noposindog in mezbah kon tua bo sinangoiannea “El, Allah Israel”.

KINOBAḺIAN 35:7

Kon tua ki Yakub noposindog in mezbah bo sinangoiannea in tampat tatua “El-Betel”. sin ki Allah ain nokipogontong kon inia kon tua kon dodai in sia noḷagui kon i guya-guyangnea.

KINOBAḺIAN 4:4

Bo ki Habel in nogamá doman kon ki adí in dombanea inta guya-guyang, iratánea bodongka pinosumbanea kon i Tuhan in onu inta totok in nopira. Nopia in gina i Tuhan kon i Habel takin sosumbanea tatua,

KINOBAḺIAN 45:28

“Ki adíku ki Yusup nobiagpa!” gumannea. “Tongábí tuata in kinoibogku! Akuoi in mustibí mayá bo moindoi kon inia kon dodai in akuoi diápa matoi.”

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

AYUB 42:8

Dá, gamádon in tanaa sapi koḷakian pitu bo domba koḷakian pitu, bo bayádon kon i Ayub. Bo posumbadon intua komintan mobaḻí kuruban payongon kon inimu. Sambayangan i Ayub in moiko bo tarimaan-Ku in sambayangnea. Moiko in diábí pokopooyáan-Kumai, umpakabí patus in moiko motarima kon hukuman. Diá inouman monimu kino banar ki ine in Akuoi, ná inta inouman i Ayub.”

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

OUMAN IN RASUL MITA 7:15

Dá namangoi domandon in Mesir in ki Yakub bo ginaḷumnea mita nodapot in minatoi mita kon tua in mosia.

YOSUA 24:4

bo ki Ishak inogoian-Ku in adí doyowa, ki Yakub bo ki Esau. Buḷud in Edom in inogoi-Ku kon i Esau nobaḻí kapunyaannea, táe ki Yakub, mogoguyang monimu tua, in nomamping kon Mesir, noyotakin i adínea mita.

SAMUEL 1 3:20

Tuamai in bayongan umat in Israel nongkon bayongan butá tatua nongaku kon ki Samuel tua in nabi i Tuhan. Pomuḷoi in ki Samuel mosingog, bayongan in bangusa Israel in mokidongogdon. Ki Tuhan umuranpabí mokipogontong kon Silo, kon tampat inta pinoki pogontongan-Nea muna kon i Samuel bo moyosingognea.

SAMUEL 1 8:2

Adínea guya-guyang tangoinea in ki Yoël bo inta nogindua in ki Abia. Mosia in nobaḻí hakim kon Bersyeba.