KINOBAḺIAN 45:6 - Alkitab Singog In Mongondow Masa In Tanaa

⁶ Tanaa bagu kon taong induanea kon sempo in malarat, bo ḻimapa notaong intau diápabí motaau momajeko ande mogamá kon boyó in gobá.

KINOBAḺIAN 45:6 Iomraidhean Croise

KINOBAḺIAN 37:2

bo naadon riwayat motoḷuadí i Yakub: Kon tungkuḷ in ki Yusup, ki adí i Yakub umur mopuḷú bo pitu notaong, sia in moḷukadmai kon paanan in bembé domba moyotakin i guya-guyangnea mita, inta ki adí mita i Bilha bo i Zilpa, ki buḷoi amánea inta bobantung. Sia in nopotaau kon oaid mita diá mopia i guya-guyangnea kon inia.

KINOBAḺIAN 41:53

Pitu notaong sempo in pinosipunan kon bungai in boyó inta mobayong totok ain kinobayáan kon bonu in butá kon Mesir nopaḷutdon.

KINOBAḺIAN 41:54

Dá noitoḻiudon pitu notaong sempo in malarat, noyokaan totok ná inta ain pinotaau i Yusup. Kon bayongan tampat nobaḻídon in malarat, táe kon bayongan butá in Mesir nobarong in toibaḷun in kaanon.

KINOBAḺIAN 41:56

Naonda in malarat tatua nodunggangdon totok in kororiganea bo noibaya-bayádon mako kon bayongan ḻipú, ki Yusup nomukatdon kon bayongan ontag bo nopotaḷui in gandum tatua kon intau in Mesir.

KINOBAḺIAN 47:18

Kon taong noiduduimai bui namangoi in mosia kon i Yusup bo noguman, “Kami in mogumandon taran-tarangan kon i Tuang kon doit nami ain nodait bo bobiagon nami ain nobaḻí doman kapunyaan i Tuang. Kami in diádon koonu bo onu inta motaau ogoi nami kon i Tuang, koḻikudon in awak nami tontaní bo butá nami.

KINOBAḺIAN 47:23

Ki Yusup in noguman kon rayat mita tatua, “Indoiaika, moiko bo butámu ain sinaḷuiku bo inogoi kon i datu. Naadon in bibit inta motaau pomuḷaan monimu kon gobá tatua.

IḶUAIAN 34:21

Onom nosinggai in pogaidan; dika mogaid kon singgai noginpitu, umpaka sempodon in ponononggobá ande sempo pobatunan kon bungai in boyó.

YESAYA 30:24

Sapi koḷakian bo keledai inta pinaké nomajeko kon gobámu in mokaanbí kon kaanon in bobiagon inta totok in mopia inta ain sinadia tontaní.

ULANGAN 21:4

Sapi tatua in musti diaan monia kon tampat tobatú kon diug in ongkag inta diá mogio-giot bo inta butánea diápa dodai in onda in pinajeko ande binunakan. Kon tampat tatua putoḷondon monia in sigogow in bobiagon tatua.

SAMUEL 1 8:12

Ibanea in binaḻínea porwira inta mobaḻí itoi kon intau toribu, bo ibanea in mobaḻí itoi kon intau ḻima nopuḷú. Datu tatua in momakisa kon i adímu mita momajeko kon gobánea, monoinut kon bungai in boyónea, momia kon ḷoḷutamnea mita bo pakakat mita in kereta parangnea.