KINOBAḺIAN 45:26 - Alkitab Singog In Mongondow Masa In Tanaa

²⁶ “Ki Yusup nobiagpa!” guman monia kon inia. “Sia in nobaḻídon pongawasa kon bayongan butá in Mesir!” Nokodongog kon habar tatua, sia in tongábí kibio-biómai, bo diábí pinirisayanea in tosingogon monia tua.

KINOBAḺIAN 45:26 Iomraidhean Croise

KINOBAḺIAN 37:31

Bo mosia in noratá kon bembé tobatú bo jubah i Yusup pinoḷodok monia kon dugú in bembé tatua.

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

KINOBAḺIAN 42:29

Wakutu in nodapotdon kon Kanaan, inouman monia kon i amá monia in bayongan inta nobaḻí kon i monia. Guman monia,

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 44:28

Inta muna ain nonaḷámai kon inakó. Notantúdon kon sia tua ain dinomok in mahaḷuk moraat, sin nodapotdon kon tanaa mako diádon in sia inontongku bui.

KINOBAḺIAN 45:25

Mosia in nonaḷámai kon Mesir bo nobui kon Kanaan kon i Yakub, ki amá monia.

KINOBAḺIAN 48:11

Bo ki Yakub in nogumandon kon i Yusup, “Totok bidon diá kon gina-ginaku mako kon buipa akuoi moyodungkuḷmu, táe tanaa ki Allah nobogoipa doman in wakutu kon inakó noyodungkuḷ i adímu mita.”

AYUB 29:24

Nomomi in akuoi kon i monia kon dodai in mosia kinobuḻian in kamang; pogotku inta nosanang nokodugang kon ropot monia.

AYUB 9:16

Aka kuma bo Sia in motubag aka akuoi mokuani, moḻia-ḻiaw in ginaku, totuu degá kon moibog in Sia mokidongog kon singogku?

MAZMUR 105:21

Sia in pinopopirisayaan in oaidan moindoi kon komaḻig, bo inogoian in kawasa moindoi kon bayongan in tombonunea;

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

LUKAS 24:11

Táe rasuḷ mita inta pinogumanan monia in diá mopirisaya, sin irai monia kon bobay mita tatua in nongongumanbí kon inta diá totuu.

LUKAS 24:34

Noiyaputmai kon tua mosia in noguman nanaa, “Totuubí kon ki Tuhan aindon nobiag bui! Sia ain nokipogontong kon i Simon!”

LUKAS 24:41

Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”