KINOBAḺIAN 45:2 - Alkitab Singog In Mongondow Masa In Tanaa

² Naonda in bayongan pogawainea iḷumuaidon kon yuang, ki Yusup totokdon in nongombaḷ, sahingga intau mita in Mesir inta kon ḷuai in yuang nokodongogdon kon ombaḷnea, bo noiyaputdon in habar tatua kon komaḻig in datu.

KINOBAḺIAN 45:2 Iomraidhean Croise

KINOBAḺIAN 42:24

Ki Yusup nonaḷámai kon i monia, bodongka nongombaḷ. Naonda in sia motaaudon bui mosingog, sia in namangoidon bui kon i monia, bo nogamá kon i Simeon, bo pinoki togot in sia kon tayowon i utatnea mita.

KINOBAḺIAN 43:30

Gina i Yusup totokdon in morobonoḷ sin dinia in tanob bo tabinea kon i ai-ainea. Gogió bo diádon in sia mokotahang kon ginanea, tuamai sia in baḷúdon minayá nongkon tua bo sinumuot in sia kon gopot poḷat nongombaḷ.

KINOBAḺIAN 45:14

Onda intua sia nonggakap kon i Benyamin, ki ai-ainea tua, bodongka nongombaḷ; ki Benyamin nongombaḷ poḷat nonggakap doman kon i Yusup.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

PINOGIAPAN 14:1

Kinoouputbí in doḷom intau in Israel momaḷú bo kopia mongombaḷ.

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

RUT 1:9

Igumon mako ogoianpa doman bui i Tuhan in ḷoḷaki inta motaau mononibuḷoi kon i namunda.” Naonda in noguman mako natua, ki Naomi nopoigum kon mayádon in sia bo nongayokdon kon i nayadua. Tongá nongombaḷdon totok in ki Orpa bo ki Rut,