KINOBAḺIAN 45:15 - Alkitab Singog In Mongondow Masa In Tanaa

¹⁵ Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

KINOBAḺIAN 45:15 Iomraidhean Croise

KINOBAḺIAN 29:11

Onda intua sia nongayok kon i Rahel, bo nongombaḷ sin notabi in nokoontong.

KINOBAḺIAN 29:13

Naonda in ki Laban nokodongog kon habar soaḷ ki Yakub, pokuadíonea tatua, noribatukdon in sia sin mayá mokipodungkuḷ. Ki Laban nonggakap kon i Yakub bo inayokannea, bodongka dinianea sinumuot kon baḷoi. Naonda in ki Yakub nongonguman kon bayongan kaadaannea kon i Laban,

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

KINOBAḺIAN 42:24

Ki Yusup nonaḷámai kon i monia, bodongka nongombaḷ. Naonda in sia motaaudon bui mosingog, sia in namangoidon bui kon i monia, bo nogamá kon i Simeon, bo pinoki togot in sia kon tayowon i utatnea mita.

KINOBAḺIAN 45:14

Onda intua sia nonggakap kon i Benyamin, ki ai-ainea tua, bodongka nongombaḷ; ki Benyamin nongombaḷ poḷat nonggakap doman kon i Yusup.

KINOBAḺIAN 45:16

Naonda in kinodongogandon kon komaḻig i datu in habar kon ki utat mita i Yusup namangoi, dá nosanang domandon in gina i datu bo pogawainea mita.

KINOBAḺIAN 45:2

Naonda in bayongan pogawainea iḷumuaidon kon yuang, ki Yusup totokdon in nongombaḷ, sahingga intau mita in Mesir inta kon ḷuai in yuang nokodongogdon kon ombaḷnea, bo noiyaputdon in habar tatua kon komaḻig in datu.

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

SAMUEL 2 14:33

Onda intua minayádon in ki Yoab kon tayowon i Datu Daud bo nopotaau in oigum i Absalom. Bo ki datu in nogoiní kon i Absalom, bo ki Absalom in namangoi sinumungkud kon tayowon i datu. Bo sinontomu in sia inayokan i datu.

MAZMUR 77:4

Aka kotoropanku in ki Allah, mogamui in akuoi, aka tano-tano bo ku, ginaku modugang moḻemé.

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.

LUKAS 15:20

Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

RUT 1:14

Ki Rut bo ki Orpa bui nongombaḷ totok onda intua ki Orpa nopoigumdon mobui poḷat nongayok kon i guyánea bodongka nobui in sia. Táe ki Rut in doíbí monaḷámai kon i guyánea tatua.

RUT 1:9

Igumon mako ogoianpa doman bui i Tuhan in ḷoḷaki inta motaau mononibuḷoi kon i namunda.” Naonda in noguman mako natua, ki Naomi nopoigum kon mayádon in sia bo nongayokdon kon i nayadua. Tongá nongombaḷdon totok in ki Orpa bo ki Rut,

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 20:41

Naonda in adí tatua minayá, ki Daud iḻumuai nongkon tumimai in guntuḷan batu tatua, bodongka nosumba kotoḷu. Pinomayá sia andeka ki Yonatan, tumpaḷa nongombaḷ kon dodai in taya dua nongongayokan. Kuyang in gina i Daud in moḷobe-ḷoben nongkon kuyang in gina i Yonatan.