KINOBAḺIAN 45:14 - Alkitab Singog In Mongondow Masa In Tanaa

¹⁴ Onda intua sia nonggakap kon i Benyamin, ki ai-ainea tua, bodongka nongombaḷ; ki Benyamin nongombaḷ poḷat nonggakap doman kon i Yusup.

KINOBAḺIAN 45:14 Iomraidhean Croise

KINOBAḺIAN 29:11

Onda intua sia nongayok kon i Rahel, bo nongombaḷ sin notabi in nokoontong.

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

KINOBAḺIAN 42:24

Ki Yusup nonaḷámai kon i monia, bodongka nongombaḷ. Naonda in sia motaaudon bui mosingog, sia in namangoidon bui kon i monia, bo nogamá kon i Simeon, bo pinoki togot in sia kon tayowon i utatnea mita.

KINOBAḺIAN 43:30

Gina i Yusup totokdon in morobonoḷ sin dinia in tanob bo tabinea kon i ai-ainea. Gogió bo diádon in sia mokotahang kon ginanea, tuamai sia in baḷúdon minayá nongkon tua bo sinumuot in sia kon gopot poḷat nongombaḷ.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

KINOBAḺIAN 45:2

Naonda in bayongan pogawainea iḷumuaidon kon yuang, ki Yusup totokdon in nongombaḷ, sahingga intau mita in Mesir inta kon ḷuai in yuang nokodongogdon kon ombaḷnea, bo noiyaputdon in habar tatua kon komaḻig in datu.

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

LUKAS 15:20

Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

SURAT I PAULUS KON JAMAAT RUM 1:31

mosia in doíbí mosimangartian; diá doman mosatia bo diá doman in totabian kon tumpaḷa intau.