KINOBAḺIAN 44:8 - Alkitab Singog In Mongondow Masa In Tanaa

⁸ Kinotaauan bidon tontaní i Tuang kon doit mita inta nodungkuḷ kon bonu in karong nami inta sinudu kon gandum tatua, ain bidon pinobui nami kon i Tuang. Dá diábí doman inta kami in monakow kon saḷaka ande buḷawan nongkon baḷoi i gubernur!

KINOBAḺIAN 44:8 Iomraidhean Croise

KINOBAḺIAN 42:21

Bo noyosingogdon in mosia, “Totu-totuu kon tanaadon mako kita ihukum popisí in taḷá naton kon i ai-ai naton koḻipod; sia in nokituḷung táe diá pinandungmai naton, umpaka indoian mako naton kon totokdon in mororiga in sia. Tuamai tanaa mako kita in motarimadon kon roriga tanaa.”

KINOBAḺIAN 42:27

Kon tampat pinogogaian monia wakutu in doḷom, tobatú kon sigad monia tua nobuká kon karong in gandumnea sin mopokaan in keledainea. Bo nouḻíneadon in doitnea kon tudu in gandum tatua.

KINOBAḺIAN 42:35

Noiduduimai kon tua, kon dodai in mosia mopoḷuaidon bonu in karong monia, nouḻídon bui monia in dompet monia tontaní takin doit; bo mosia inangoiandon in ondok, ná doman tua in ki amá monia.

KINOBAḺIAN 43:12

Diadon doman doit inta kobayongnea kodua ná kobayong inta muna, sin doit inta nouḻí monimu kon bonu in karong monimu tatua musti monimu pobuion. Sin degá tua in tongábí notoboḻingo.

KINOBAḺIAN 43:18

Naonda in mosia dinia sinumuot kon baḷoi Yusup, mosia inagían in ondok bo norai, “Kita in dinia namangoi kon naa, popisí in doit inta nouḻí naton kon bonu in karong naton kon tungkuḷ in kita namangoi koḻipod. Mosia in daḻídon modomok kon inaton, bodongka gamáan monia in keledai naton bo kita baḻíon ki ata monia.”

KINOBAḺIAN 44:7

Tubag monia kon inia, “Onu in makusud i Tuang? Kami in mongibot kon kami in diábí nogaid kon soaḷ natua!

IḶUAIAN 20:15

Dika monakow.

MATIUS 19:18

Intau tatua in noḻibó bui kon i-Nia, “Parenta inta táonda?” Dá kai Yesus, “Donaai moḻimod, donaai monuaḻing, donaai monakow, donaai mongonguman kon uboḷ,

SURAT I PAULUS KON JAMAAT RUM 13:9

Sin hukum agama in Yahudi in noguman nanaa: Dika monuaḻing, dika moḻimod, dika monakow, dika moibog in kapunyaan intau ibanea, bo bayongan parenta ibanea ain notangkup kon hukum tobatú tanaa, “Kotabibí in tumpaḷa intau, naonda bo kototabimu kon awakmu tontaní.”

ULANGAN 5:19

Dika monakow.