KINOBAḺIAN 44:17 - Alkitab Singog In Mongondow Masa In Tanaa

¹⁷ Guman i Yusup, “Diá! Akuoi in doíbí mogaid kon natua! Tongábí sia inta kino uḻían kon piala tatua in mobaḻí bobantungku. Ibanea in motaau bidon mobui kon i amámu.”

KINOBAḺIAN 44:17 Iomraidhean Croise

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

KINOBAḺIAN 26:29

kon iko in diábí momia kon inta moraat kon inami, ná doman kami inta diábí dodai onda in momia kon inta moraat kon inimu. Kami in notabidon kon inimu bo nopomayádon mako kon inimu minayá takin saḷamat. Noniatadon kon inami kon ki Tuhan ain nomarakat kon inimu.”

KINOBAḺIAN 42:18

Kon singgai intoḷunea ki Yusup in noguman kon i monia, “Akuoi naa in intau inta moondok bo motoindudui kon i Allah. Moiko in poḷuaionku takin tobatú sarat.

KINOBAḺIAN 44:10

Bobantung tatua in noguman, “Mopia; táe tongábí ki ine in kouḻían kon piala tatua, siata in mobaḻí bobantungku; ibanea in motaau bidon mayá.”

KINOBAḺIAN 44:16

“Onu in motaau singogon nami, Tuangku?” tubag i Yohuda. “Naondabí in pomomayow nami, onupa in singogon nami pomayow kon tosingogon i Tuang? Ki Allah ain nopoontong in taḷá nami. Tanaa kami komintan nobaḻídon bobantung mita i Tuang, deemanbí tongá sia inta kinouḻían kon piala tatua.”

KINOBAḺIAN 44:18

Ki Yohuda in minayá dinimiug kon i Yusup bo noguman, “Maap, Tuangku, ogoipa in bobantungmu naa mosingog bui takin i Tuangku. Dika tumorú kon inakó inta tongá bobantung naa; Ki Tuang nádon ki datu in Mesir tontaní.

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

MAZMUR 75:2

Kami in mosumba kon ini-Mu, o Allah, kami in mopoyaput in sukur kon ini-Mu bo mopotaau in oaidan-Mu inta mokotongaw.

AMSAL 17:15

Ki Tuhan in doíbí kon intau inta mopobanar kon intau moraat, bo inta mopotaḷá kon intau inta diá kotaḷá.