KINOBAḺIAN 43:9 - Alkitab Singog In Mongondow Masa In Tanaa

⁹ Akuoidon in nobaḻí potaru kon inia, bo motaaubí tuntuton i amá kon inakó in sia. Aka sia bo diá diaanku mangoi takin kaadaan mosaḷamat, yo tanggungonku in hukumannea kon bonu in akuoi mobiagpa.

KINOBAḺIAN 43:9 Iomraidhean Croise

KINOBAḺIAN 31:39

Inta minatoi dinomok in mahaḷuk ibanea diábí dodai onda diniaku mangoi kon inimu, táe akuoibí tontaní in monoḻiu kon tua. Inta sinakow kon wakutu in singgai ande doḷom umuran doman tuntutonmu sinbá toḻiuanku.

KINOBAḺIAN 42:37

Bo ki Ruben in noguman kon i amánea, “Posarakaidon kon inakó in ki Benyamin, Papa; bain diaanku bui in sia mangoi, aka diá, ki Papa motaaubí moḻimod kon i adíku ḷoḷaki doyowa tua.”

KINOBAḺIAN 43:10

Aka kuma bo kita in diá noonggot kon pogoḷatan mako, yo tantú kita tanaa ain bidon kodua minayá.”

KINOBAḺIAN 9:5

Pomuḷoi intau bo mahaḷuk inta moḻimod kon intau in hukumon-Kubí dapot in matoi.

SAMUEL 2 14:9

“Tuangku Inta Momulia,” guman in bobay tatua, “onukabí in pomiaan i Tuangku, bobantungbí naa bo motoḷuadíku in mobaba kon bungainea; Ki Tuangku bo motoḷuadí i Tuang in diábí kotaḷá.”

DATU MITA IMITÁNEA 1:21

Aka diá in kotantúan in tosingogon i Tuang datu, dá notantú bidon kon naonda in ki tuang datu matoi, akuoi bo ki adíku ḷoḷaki in pomiaan naonda bo moḷoḷawang.”

AYUB 17:3

Akuoi naa in mojujur, o Allah. Pirisayadon in akuoi! Ki inepa in moginrigon kon tosingogonku?

MAZMUR 119:122

Podandidon kon Iko in motuḷungbí kon inakó, dikabí pomayá mako in akuoi in doroton in intau mita mododia.

YEHEZKIEL 3:18

Aka Akuoi mopotaau kon intau moraat tobatú in matoibí, táe iko in diá mopotoingat kon inia sinbá baḷuiannea in gogutúnea modapot in sia mosaḷamat, dá matoi in sia saḷaku intau inta binaradosa, bo totaau kon kinopatoiannea in moibaba kon inimu.

YEHEZKIEL 3:20

Aka intau inta mopia momangkoidon momia kon dosa, bo sia in potayow-Ku kon anib, dá sia in matoibí aka iko in diá mopotoingat kon inia. Sia in matoibí popisí in dosanea mita, bo aidnea mita inta mopia in diá bidon toropon-Ku. Táe totaau kon kinopatoiannea in moibaba kon inimu.

YEHEZKIEL 33:6

Táe aka moḷoḷukad tatua naonda in mokoontong kon musung bo diábí posingogonnea in tomponuot in anib, bo musung in moḻimod kon intau mita binaradosa tatua, dá siabí in tuntuton-Ku kon kinopatoian monia tua.

YEHEZKIEL 33:8

Aka Akuoi in mopotaau kon intau moraat tobatú in matoi, táe diápa pinopotoingatmu kon inia sinbá baḷuiannea in gogutúnea bá mosaḷamat in sia, dá matoidon in sia saḷaku intau inta binaradosapa. Táe totaau kon kinopatoiannea in tuntuton-Kubí kon inimu.

LUKAS 11:50

Tua inaidan i Allah sinbá intau mita masa naa hukumon sin pinoḻimodan inta inaidan kon bayongan in nabi nongkon wakutupa in dunia naa inaidan,

IBRANI 7:22

Tuamai in ki Yesus nobaḻí jaminan in tobatú dodandian inta totuu mopia.