KINOBAḺIAN 43:8 - Alkitab Singog In Mongondow Masa In Tanaa

⁸ Bo ki Yohuda in noguman kon i amánea, “Popomayádon mako adí tatua dumudui, bo akuoi in kitogi totaau kon inia. Kami in ḷagidon mobuat sinbá diá in kon sigad naton matoi in gogoy.

KINOBAḺIAN 43:8 Iomraidhean Croise

KINOBAḺIAN 42:2

Kinodongogankudon kon tua kon Mesir oyúon in gandum; bayádon bo potaḷuidon kon gandum kon tua sinbá kita diá matoi in gogoy.”

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 44:20

Kami ain notubag, ‘Ki Amá nami ain nogoguyang bo ki ai-ai nami pinononggadí kon dodai in ki amá nami ain noguyang. Ki guya-guyang toináan i ai-ai nami tua ain minatoi, dá tanaa dongkadon sia in nobiagpa in kon sigad i nayadua, bo ki papa totok in motabi kon inia.’

KINOBAḺIAN 44:26

Kami in notubag, ‘Kami in diábí motaau bui mayá in tua, sin kami in diábí motaau bui tumayow kon i gubernur aka ki ai-ai nami inta muit diá dumudui kon inami. Kami in motaau bui mayá intua koḻikudbí in aka ki ai-ai nami mayá doman.’

KINOBAḺIAN 45:19

Pokidiaai domandon in mosia in tongonumai in kereta sin takoian i buḷoi bo adí mita monia inta nongointokpa, bo monontomu kon i amá monia.

KINOBAḺIAN 50:21

Donaai mosingkúang mako in gina. Posadiaankubí in moiko kon onu inta paraḷu pakéon monimu motoḷuadí.” Natuata in pinoḷoḻipoi i Yusup kon ondok i utatnea mita. Sia nopoyaput in tosingogon tatua takin dodia moaḷus bo ḷukó in pososingog.

KINOBAḺIAN 50:8

Buḷoi, adí, utat mita i Yusup bo ginaḷum motoḷuadí inta ibanea minayá doman. Tongádon adí mita mointok bo bobiagon monia in sinaḷáan kon butá in Gosyen.

DATU MITA 2 7:13

Pogawai tobatú i datu in noguman, “Tuang Datu, kita inta kon bonupa in kotá tanaa in notongkaibí in kaadaan ná i monia inta ain minatoi. Tuamai in mopia-piabí kon mopotabá in kita in tongonumai intau tumakoi kon kabaḷo ḻima inta kon sigad in kabaḷo mita inta nobiagpa, bo mayá intua sin moindoi mongo onu inta ain nobaḻí.”

DATU MITA 2 7:4

Aka tumuot in kita kon kotá, yo matoi in kita in gogoy; bo aka umuran doman kon naa in kita, yo matoibí doman. Maníka bo mayádon in kita kon pinononḷoḷaigan in intau in Siria. Paling-paling ḻimodonbí monia in kita. Táe kamungkinan doman diábí onuon monia in kita.”

EZRA 8:21

Bo kon bingkí in Ongkag in Ahawa tatua akuoi nopotaau kon mosia komintan in mustibí mopuasa bo tumonsiup kon tayowon i Allah. Kami in nosambayang sinbá ki Allah in nokapit kon inami kon binayáan tatua, bo mogoḻiung kon inami, kon i adí mita nami bo bayongan in kapunyaan nami.

MAZMUR 118:17

Akuoi in diábí matoi, táe umuranbí mobiag sin mopotaa-taau mako kon aid i Tuhan.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

PINOGIAPAN 14:31

Moiko ain noguman kon ki adí mita monimu in dakopon. Táe mosiabí tuata in diaan-Ku mayá in butá inta kinodoí monimu tua, bo butá tatua in mobaḻídon butá inta kobiagan monia.

ULANGAN 33:6

Ki Musa noguman nanaa kon suku i Ruben, “Igumon mako suku i Ruben diá moyopú, umpaka tongá topiḻik in intaunea.”