KINOBAḺIAN 43:7 - Alkitab Singog In Mongondow Masa In Tanaa

⁷ Tubag monia, “Intau tatua in tantúbí moḻibó mongo naonda in kami bo naonda in motoḷuadí naton, gumannea, ‘Nobiagpa degá in ki amámu? Degá oyúonpa in ki ai-ai monimu ḷoḷaki ibanea?’ Dá pakisadon sinubagan nami in bayongan inta iḻibónea tatua. Naondabí in kinototaau nami kon sia in mopotabá kon inami modia mangoi kon i ai-ai nami tatua?”

KINOBAḺIAN 43:7 Iomraidhean Croise

KINOBAḺIAN 42:11

Kami naa in mogutat motoḷuadí, Tuangku. Kami naa intaubí mopia, deemanbí mata-mata.”

KINOBAḺIAN 42:13

Tubag monia, “Kami naa in mopuḷú bodoyowá mogutat, Tuangku, kami naa in adí toamáan kon butá in Kanaan. Tobatú kon sigad nami ain minatoi bo inta muit tanaa mako in kotaki-takin i amá nami.”

KINOBAḺIAN 43:27

Ki Yusup noḻibó kon kaadaan monia, bo noguman, “Moiko ain nongonguman kon inakó soaḷ ki amá monimu inta ain nogoguyang tua. Naonda in kaadaannea, Nopia-pia degá?”

KINOBAḺIAN 43:3

Dá ki Yohuda in noguman kon inia, “Ki Gubernur mesir ain nobogoi in tompoingat kon kami in diábí motaau bui mamangoi in tayowonnea aka kami in diá modia mangoi kon i ai-ai nami tatua.

KINOBAḺIAN 43:6

Guman i Yakub, “Nongonu sin moiko in mokoposusabímai kon inakó takin minayá bo noguman kon intau tatua kon oyúonpa in ki ai-ai monimu?”

KINOBAḺIAN 44:19

Ki Tuangku ain noḻibó kon i nami naa, ‘Degá moiko ko amápa ande kogutatpa kon ibanea mako?’