KINOBAḺIAN 43:5 - Alkitab Singog In Mongondow Masa In Tanaa

⁵ Táe aka diá ogoi papa in ki Benyamin dumudui, yo doíbí doman in kami mayá, sin ki gubernur tatua ain noguman muna kon kami in diábí motaau mayá kon tayowonnea aka ki ai-ai nami in diá dumudui.”

KINOBAḺIAN 43:5 Iomraidhean Croise

KINOBAḺIAN 42:15

Tungkuḷankupa in moiko: Ibotanku podoyon kon tangoi i datu kon moiko in diábí moiḷuai nongkon butá tanaa aka ki ai-ai monimu inta muit tua diá mamangoi in naa.

KINOBAḺIAN 42:20

Mopaḷut mako kon tua moiko in musti modia mangoi kon i ai-ai monimu inta muit tua poangoi kon inakó. Tua in ponandaan kon tosingogon monimu tua in totuubí, bo moiko in diábí hukumon matoi.” Mosia in noyopakat kon tosingogon i gubernur tatua.

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 43:3

Dá ki Yohuda in noguman kon inia, “Ki Gubernur mesir ain nobogoi in tompoingat kon kami in diábí motaau bui mamangoi in tayowonnea aka kami in diá modia mangoi kon i ai-ai nami tatua.

KINOBAḺIAN 43:4

Aka ogoi papa in ki ai-ai nami tatua dumudui, yo moibogpa bui in kami mayá intua sin motaḷui kon kaanon.

KINOBAḺIAN 43:6

Guman i Yakub, “Nongonu sin moiko in mokoposusabímai kon inakó takin minayá bo noguman kon intau tatua kon oyúonpa in ki ai-ai monimu?”

KINOBAḺIAN 44:23

Táe ki Tuangku in noguman, ‘Moiko in diábí motaau mamangoi bui kon tayowonku aka diá modia kon i ai-ai monimu tua.’

KINOBAḺIAN 44:25

Onda intua ki amá nami bui nopotabá kon inami mamangoi in naa sin motaḷui kon kaanon.

KINOBAḺIAN 44:26

Kami in notubag, ‘Kami in diábí motaau bui mayá in tua, sin kami in diábí motaau bui tumayow kon i gubernur aka ki ai-ai nami inta muit diá dumudui kon inami. Kami in motaau bui mayá intua koḻikudbí in aka ki ai-ai nami mayá doman.’

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.