KINOBAḺIAN 43:34 - Alkitab Singog In Mongondow Masa In Tanaa

³⁴ Mosia inogoian in kaanon nongkon meja i Yusup, bo ki Benyamin inogoian koḻima in kobayongnea nongkon i guya-guyangnea. Bo nongaan bo nonginumdon in mosia noyotakin i Yusup nodapot in nobotug.

KINOBAḺIAN 43:34 Iomraidhean Croise

KINOBAḺIAN 35:24

Ki adí mita i Rahel in ki Yusup bo ki Benyamin.

KINOBAḺIAN 45:22

Inogoiannea doman kon i monia in tumongo par mako in ḷambung mobagu, bo ki Benyamin inogoiannea doman in doit toḷu nogatut doit in saḷaka bo ḻima doman no par in ḷambung nobagu.

SAMUEL 2 11:8

Onda intua ki Daud noguman kon i Uria, “Pobuipa kon baḷoimu bo pogogaipa topiḻikmai.” Naonda in ki Uria nonaḷámai kon komaḻig, ki Daud nokidia in tombuinag inta inatod kon baḷoi i Uria.

AMSAL 31:6

Oinumon mokoḷoḷangu in kon i moniabí inta kinobuḻian in kamang bo inta norobonoḷ in gina.

MOHOHUTUBA 10:19

Rame mokopomuká kon kosing, bo anggur mokobaḻí kon kosanang in gina. Táe paraḷubí oyúon in doit poguboḻi kon tua.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

MATIUS 11:19

Onda intua Adí Intau namangoi, Sia nongaan bo nonginum kon anggur, táe kai monimu, ‘Indoiaika, Sia in intau! Moturá bo yobayat in moigum kon pajak bo intau inta baradosa.’ Táe kawasa i Allah pinoponiata kon i-Nia.”

YOHANES 2:10

bo noguman: “Biasamai intau in munabí mopoinum in anggur inta mopia totok, bo aka tamu mita mooropdon monginum, bain tua bo poḷuaiondon in anggur inta diá totok mopia. Táe ki utat in umuranbí notagú kon anggur mopia umaai in tanaa mako!”

SAMUEL 1 1:5

Táe ki Hana in tongá ogoiannea in tongosilai doman sin Ki Tuhan diá nobogoi in adí kon inia. Umpaka natua táe ki Elkana in motabibí totok kon i Hana.