KINOBAḺIAN 43:15 - Alkitab Singog In Mongondow Masa In Tanaa

¹⁵ Onda intua ki utat mita i Yusup nodia kon tombuinag mita tatua bo doit inta kobayongnea kodua ná inta muna dinia, bodongka nobuat minayá in Mesir noyotakin i Benyamin. Naonda in noyaput kon tua, mosia in minayádon kon tayowon i Yusup.

KINOBAḺIAN 43:15 Iomraidhean Croise

KINOBAḺIAN 42:35

Noiduduimai kon tua, kon dodai in mosia mopoḷuaidon bonu in karong monia, nouḻídon bui monia in dompet monia tontaní takin doit; bo mosia inangoiandon in ondok, ná doman tua in ki amá monia.

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

KINOBAḺIAN 43:21

Kon binayáan nobui, naonda in kami mogogai sin mosiugpa, kami in nobukádon kon karong nami. Kinobukaanmai yo bayongan doit inta pinoguboḻi nami kon gandum nami pinoyobonubí monia in gandum kon karong. Diábí kinotaauan nami mongo ki ine in nopobonu in doit tatua.”

KINOBAḺIAN 43:25

Nopaḷut mako kon tua sinadiadon monia in tombuinag inta ogoi kon i Yusup aka sia in mamangoidon kon oras in moutudon in singgai, sin ain pinotaau kon i monia kon mosia in mongaan moyotakinnea.

TAWARIKH 2 28:7

Ki adí ḷoḷaki i Ahas inta ki Maaseya iḻimod i Zikhri porwira tobatú in Israel. Ki Zikhri in noḻimod doman kon i Azrikam inta kitogi totaau kon oaidan in komaḻig i datu, bo ki Elkana intau inta pinopopirisaan i Datu in oaidannea.

AMSAL 19:6

Komintan intau in moḷongasibí sinbá koibog in intau moponting; bayongan in intau moibogbí moyobayat in intau inta moibog motuḷung.