KINOBAḺIAN 43:11 - Alkitab Singog In Mongondow Masa In Tanaa

¹¹ Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

KINOBAḺIAN 43:11 Iomraidhean Croise

KINOBAḺIAN 33:10

Guman i Yakub, “Donaai! Aka akuoi ain nokouḻí kon tabimu, yo tarimadon in sosumbaku tanaa. Aka kon inakó, nokoontong kon pogot in guya-guyang naonda bo nokoontong kon pogot i Allah, sin Iko noibogdon notarima kon inakó takin tabi moḷoben.

KINOBAḺIAN 37:25

Kon tungkuḷ in mosia koyogot mongaan, indoianmai noitaḻibdon in kapilah intau in Ismael, intau tatua kon binayáan nongkon Gilead mopobayá in Mesir. Unta mita monia nodatog kon pododungú mita, balsam bo taḷong.

KINOBAḺIAN 43:10

Aka kuma bo kita in diá noonggot kon pogoḷatan mako, yo tantú kita tanaa ain bidon kodua minayá.”

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

KINOBAḺIAN 43:15

Onda intua ki utat mita i Yusup nodia kon tombuinag mita tatua bo doit inta kobayongnea kodua ná inta muna dinia, bodongka nobuat minayá in Mesir noyotakin i Benyamin. Naonda in noyaput kon tua, mosia in minayádon kon tayowon i Yusup.

KINOBAḺIAN 43:25

Nopaḷut mako kon tua sinadiadon monia in tombuinag inta ogoi kon i Yusup aka sia in mamangoidon kon oras in moutudon in singgai, sin ain pinotaau kon i monia kon mosia in mongaan moyotakinnea.

KINOBAḺIAN 43:26

Naonda in ki Yusup noyaputdon kon baḷoi, mosia nobogoi in tombuinag mita tatua kon i Yusup takin sinumungkud kon tayowonnea.

DATU MITA IMITÁNEA 10:15

diápabí pinoyoiap in kauntungan mita nongkon podagangan bo pajak mita nongkon intau mita inta mododagang, datu mita in Arab bo gubernur mita in Israel.

DATU MITA IMITÁNEA 10:25

Mosia kon batúannea in mamangoi takin kodia-dia in tombuinag kon i Salomo. Mosia mobogoi in pakakat mita saḷaka, buḷawan, ḷambung, ḷoḷutam, touḷut mita mongo bo mongobondu, kabaḷo bo bagal. Natuata in nobaḻí muḷoi in taong.

DATU MITA IMITÁNEA 15:19

“Koḻigai in kita motogot kon yoyobayatan ná inta ain pinomia in guyanga naton. Pinotakin kon naa akuoi in nokidia in buḷawan bo saḷaka nobaḻí tombuinag, bo monongganut kon i Tuang momontowdon kon yoyobayatan takin i Baesa datu in Israel, sinbá buidon gamáannea in tontaranea nongkon butá dodatuan ku.”

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

DATU MITA 2 16:8

Ki Ahas in nogamá doman kon buḷawan bo saḷaka nongkon Baḷoi Tuhan, takin kapunyaan in komaḻig, bo pinoki dia nobaḻí tombuinag kon i datu in Asyur tatua.

DATU MITA 2 20:12

Degá ná doman wakutu kon dodai intua ki datu in Babel, inta ki Merodakh-Baladan ki adí i Baladan, nokodongog kon ki Datu Hizkia in bagupa nopia kon takit. Dá nopotabá in intau in sia modia kon surat bo tombuinag kon i Hizkia.

DATU MITA 2 8:8

noguman in sia kon i Hazael, pogawainea tobatú, “Podiaaidon kon tombuinag in ki nabi tatua, bo poigumdon kon inia sinbá ḻibóonneapa kon i Tuhan mongo mopiapa andeka diádon in akuoi naa.”

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

MAZMUR 68:29

Ki Allahmu in monuntut kon ropotmu; o Allah, iyigonaidon in onu inta ain inaidan-Mu kon inami.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

MAZMUR 76:11

Umpaka intau mita inta totok in moḻingá modayow kon ini-Mu, bo inta sinumorúpa in momaké in kaeng karong tomponuot nonogumatoi.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

AMSAL 17:18

Intau inta modandi moguboḻi kon boḻi in tumpaḷa intau in intaubí inta bodok.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

AMSAL 19:6

Komintan intau in moḷongasibí sinbá koibog in intau moponting; bayongan in intau moibogbí moyobayat in intau inta moibog motuḷung.

AMSAL 21:14

Sinbá moonow in torú bo napusu, yo uni-unidon mako bo ogoiai in tombuinag.

DONDONG MOḶANTUD 4:10

Totuu mopia in tabimu, uḻe, nonikaanku, mopia-piabí nongkon anggur. Ḷanamu totuu mobondu, mopia-pia nongkon bayongan toyokayu.

DONDONG MOḶANTUD 4:14

narwastu, koḷawag, kayu manis bo túan, bo noyagi-yagimai in pangkoi in kamania. Taḷong mobondu bo gaharu, takin noyagi-yagimai in toyokayu inta notompiḻí.

DONDONG MOḶANTUD 8:14

Batoḷ in dodobku, angoidon naonda bo kijang, naonda bo ki adí in rusa kon buḷud in Beter.

YEREMIA 8:22

Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

YEHEZKIEL 27:15

Intau in Rodus nodagang doman takinmu bo intau mita inta nogutun kon pintad in notaḷui kon pakakat mita inta pinotaḷuimu takin uwaḷa bo kayu moyondí.

YEHEZKIEL 27:17

Yohuda bo Israel in noponoḻiu in pakakat daganganmu in gandum, biluk, ḷana in zaitun bo toyokayu mita.

YEHEZKIEL 27:22

Popisí in motaḷui kon pakakatmu mita dá mododagang nongkon Syeba bo Raema nodia kon permata mita, buḷawan bo toyokayu mita inta totok in mongopia.

IMAMAT 20:24

Butá inta nooyúon bo mopia tatua aindon pinodandi-Ku kon i monimu, dá ogoi-Kubí intua mobaḻí kapunyaanmu. Akuoi in ki Tuhan Allahmu inta nopotondí kon i monimu nongkon bangusa mita ibanea.

OUMAN IN RASUL MITA 21:14

Tongá sia bo doíbí nokidongog kon tonggina nami, dá dinududuiandon nami in ibognea tatua takin noguman: “Kobaḻídon onu inta kinoibog Tuhan.”

ULANGAN 33:14

Poigumon mako pomuḷoi in sempo in pomomungai pinomuḷa ayop mita momungai modatog totok ayop mita inta totok in mongopia inta moḷutú kon pangkoinea.

SAMUEL 1 25:27

Tarimadon in tombuinag inta dinia in bobantung tanaa kon i Tuangku, bo kon intau mita i Tuangku.

SAMUEL 1 9:7

Guman i Saul, “Aka mayá in kita mokipodungkuḷ kon inia yo onu in ogoi naton kon inia? Tongkaaḷ inta dinia naton nodaitdon, bo diádon in motaau ogoi naton kon mogogundoi i Allah tatua!”