KINOBAḺIAN 42:9 - Alkitab Singog In Mongondow Masa In Tanaa

⁹ Bo kinotoropanneadon in togoindopnea inta soaḷ mosia. Bo sia in noguman bui, “Moiko nion in mata-matabí; moiko mamangoi sin moindoi bo motayak mongo kon onda in kalemahan nami.”

KINOBAḺIAN 42:9 Iomraidhean Croise

KINOBAḺIAN 37:11

Ki guya-guyang mita i Yusup nointoidon kon inia, táe ki amánea umuran moraimai kon togoindop tatua.

KINOBAḺIAN 42:16

Tobatú kon sigad monimu musti mobui mogamá kon inia. Ibanea in tahangonkupa modapot in tosingogon monimu tua moniata. Aka diá, yo podoyon kon tangoi i datu, moiko nion in mata-mata in musung!”

KINOBAḺIAN 42:34

Naonda in moiko modia mangoi kon i ai-ai monimu inta muit, bain tua bo kotaauanku kon moiko nion in deemanbí mata-mata, táe intaubí motuḻid. Dá ki utat monimu inta sinahangkupa tua in pobuionkudon bui kon i monimu bo moiko in motaaudon mogutun kon butá tanaa bo motaaubí modagang.’ ”

SAMUEL 2 10:3

Naonda in mosia nodapot kon Amon, itoi mita kon butá tatua in noguman kon i Datu Hanun, “Dikabí morai kon ki Daud tua in nopotabá mangoi in totabánea tatua sin moibog mohoromat kon i amá i Tuang! Sia tua in nopotabá mangoi in intaunea mita tatua sin mobaḻíbí toimata mita sin monaridi kon kotá tanaa, sinbá koagowandon.”

IḶUAIAN 32:35

Bo ki Tuhan nopoangoidon in bodito kon intau mita tatua sin mosia nomakisa kon i Harun nomia kon patong sapi buḷawan tatua.

PINOGIAPAN 13:2

“Nongkon batúan in suku kon Israel potabádon tumongobatú nongkon sigad in itoi mita monia sin mayá monaridi kon butá in Kanaan inta ogoi-Ku kon intau in Israel.”

LUKAS 20:20

Mototundú mita kon agama bo imang mita itoi umuran monaridi mako kon i Yesus. Kon tua mosia in nonondan kon tobatú intau inta mayá kon i Yesus bo ki ubo-uboḷmai ná intau mopia. Mosia in nokiḻibó in soaḷ inta inanggap monia motaau kouḻían monia kon taḷá i Yesus, sahingga oyúondon in baḻíon monia dodoyonan podomokan kon i-Nia bo posarakan kon i gubernur.

IBRANI 11:31

Popisí in oyúon in pirisaya, dá ki Rahab, bobay sundaḷ tua in diábí kinoḻimodan noyotakin in intau mita inta noḷawang kon i Allah; popisí in nopia totok in pinototomunea kon totabá mita in intau Israel.

YOSUA 2:1

Onda intua nongkon pinononḷoḷaigan kon Sitim, ki Yosua nopotabá in toimata doyowa minayá in Kanaan. Toimata doyowa tatua pinotabá monaridi kon butá in Kanaan takin umado-adop, totok moponting kon tua in kotá in Yerikho. Dá minayá in mosia kon kotá tatua, bo nongandupdon in mosia kon baḷoi in bobay inta sundaḷ tobatú, ki Rahab in tangoinea.

YOSUA 6:23

Dá toimata doyowa tatua in minayádon, bo nodia kon i Rahab iḻumuai noyotakin i amá bo i inánea, i utatnea mita, bo ginaḷumnea mita ibanea. Komintan ginaḷum i Rahab takin bobantung mita monia in dinia iḻumuai minayá in tampat inta moaman kon diug in pinononḷoḷaigan in Israel.

HAKIM MITA 1:24

mosia noyodungkuḷ in ḷoḷaki tobatú inta namangoi nongkon kotá. Guman monia kon inia, “Aka iko motuḷung kon inami sinbá kami moituot in kotá tanaa, yo mopiabí in pogogaid nami kon inimu.”

SAMUEL 1 26:4

Bo nopotabá in sia in toimata, dá kinotaauanneadon totok kon ki Saul in totuubí kon oyúon in tua.