KINOBAḺIAN 42:15 - Alkitab Singog In Mongondow Masa In Tanaa

¹⁵ Tungkuḷankupa in moiko: Ibotanku podoyon kon tangoi i datu kon moiko in diábí moiḷuai nongkon butá tanaa aka ki ai-ai monimu inta muit tua diá mamangoi in naa.

KINOBAḺIAN 42:15 Iomraidhean Croise

KINOBAḺIAN 42:12

Táe ki Yusup in bui noguman kon i monia, “Uboḷ! Moiko nion in namangoi sin motayak mongo kon onda in kelemahan nami.”

KINOBAḺIAN 42:14

“Totuubí in singogku koina, moiko nion in mata-matabí”. guman i Yusup “kon i monia.

KINOBAḺIAN 42:16

Tobatú kon sigad monimu musti mobui mogamá kon inia. Ibanea in tahangonkupa modapot in tosingogon monimu tua moniata. Aka diá, yo podoyon kon tangoi i datu, moiko nion in mata-mata in musung!”

KINOBAḺIAN 42:20

Mopaḷut mako kon tua moiko in musti modia mangoi kon i ai-ai monimu inta muit tua poangoi kon inakó. Tua in ponandaan kon tosingogon monimu tua in totuubí, bo moiko in diábí hukumon matoi.” Mosia in noyopakat kon tosingogon i gubernur tatua.

KINOBAḺIAN 42:30

“Ki Gubernur in Mesir mobuḷaḷubí totok in pososingognea kon inami bo sia noponapud kon kami naa in mata-mata inta mayá motayak kon kalemahan monia.

KINOBAḺIAN 42:34

Naonda in moiko modia mangoi kon i ai-ai monimu inta muit, bain tua bo kotaauanku kon moiko nion in deemanbí mata-mata, táe intaubí motuḻid. Dá ki utat monimu inta sinahangkupa tua in pobuionkudon bui kon i monimu bo moiko in motaaudon mogutun kon butá tanaa bo motaaubí modagang.’ ”

KINOBAḺIAN 42:7

Naonda in ki Yusup nokoontong kon i guya-guyangnea mita, kinotaauanneadon in mosia tua, táe sia in ki ubo-uboḷmai diá nonotaau. Takin buḷaḷu sia in noḻibó kon i monia, “Moiko nion intau nongkon onda?” “Kami naa intau in Kanaan. Kami namangoi sin motaḷui kon kaanon,” tubag monia.

KINOBAḺIAN 43:3

Dá ki Yohuda in noguman kon inia, “Ki Gubernur mesir ain nobogoi in tompoingat kon kami in diábí motaau bui mamangoi in tayowonnea aka kami in diá modia mangoi kon i ai-ai nami tatua.

KINOBAḺIAN 43:5

Táe aka diá ogoi papa in ki Benyamin dumudui, yo doíbí doman in kami mayá, sin ki gubernur tatua ain noguman muna kon kami in diábí motaau mayá kon tayowonnea aka ki ai-ai nami in diá dumudui.”

YEREMIA 5:2

Moiko in moguman kon moiko in mosumba kon Tuhan, bokaka deemanbí natua in makusud monimu.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

YAKOBUS 5:12

Naa in soaḷ inta totok moponting: Donaai mongibot, pinomayá podoyon kon ḷangit ande podoyon kon butá, andeka podoyon kon onukadon. Pogumandon “Oo” aka totuu oo, bo pogumandon “Diá” aka diá, sinbá diá in moiko popoḷabúan i Allah in hukuman.

SAMUEL 1 1:26

Ki Hana in noguman kon i Eli, “Ampung, Amá. Kinotoropanpa i Amá in akuoi? Akuoi naa in bobay inta koḻipod inontong i Amá sinimindog kon naa, nosambayangmai kon i Tuhan.

SAMUEL 1 17:55

Naonda in ki Saul nokoontong kon i Daud minayá nomarang kon i Goliat, noḻibó in sia kon i Abner itoi in tontaranea, “Abner, ki adí i ine in sia?” “Diábí kinotaauan in bobantungmu naa, Tuang datu,” tubag i Abner.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”