KINOBAḺIAN 42:13 - Alkitab Singog In Mongondow Masa In Tanaa

¹³ Tubag monia, “Kami naa in mopuḷú bodoyowá mogutat, Tuangku, kami naa in adí toamáan kon butá in Kanaan. Tobatú kon sigad nami ain minatoi bo inta muit tanaa mako in kotaki-takin i amá nami.”

KINOBAḺIAN 42:13 Iomraidhean Croise

KINOBAḺIAN 37:30

Sia in minayá kon i utatnea mita bo noguman, “Diá bidon kon tua in adí tatua! Onu in pomiaanku in tanaa?”

KINOBAḺIAN 42:11

Kami naa in mogutat motoḷuadí, Tuangku. Kami naa intaubí mopia, deemanbí mata-mata.”

KINOBAḺIAN 42:12

Táe ki Yusup in bui noguman kon i monia, “Uboḷ! Moiko nion in namangoi sin motayak mongo kon onda in kelemahan nami.”

KINOBAḺIAN 42:14

“Totuubí in singogku koina, moiko nion in mata-matabí”. guman i Yusup “kon i monia.

KINOBAḺIAN 42:32

Kami komintan mopuḷú bodoyowá mogutat, nogaḷum kon amá, bo tobatú ain minatoi, bo inta muit koyotaki-takin i amá kon Kanaan.’

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 43:29

Naonda in ki Yusup nokoontong kon i Benyamin, ki ai-ainea, sia in noguman, “Dá sia tanaa degá in ki ai-ai monimu inta muit tatua, inta ain inouman monimu kon inakó? Igumon mako ki Allah momarakat kon inimu, adíku.”

KINOBAḺIAN 43:7

Tubag monia, “Intau tatua in tantúbí moḻibó mongo naonda in kami bo naonda in motoḷuadí naton, gumannea, ‘Nobiagpa degá in ki amámu? Degá oyúonpa in ki ai-ai monimu ḷoḷaki ibanea?’ Dá pakisadon sinubagan nami in bayongan inta iḻibónea tatua. Naondabí in kinototaau nami kon sia in mopotabá kon inami modia mangoi kon i ai-ai nami tatua?”

KINOBAḺIAN 44:20

Kami ain notubag, ‘Ki Amá nami ain nogoguyang bo ki ai-ai nami pinononggadí kon dodai in ki amá nami ain noguyang. Ki guya-guyang toináan i ai-ai nami tua ain minatoi, dá tanaa dongkadon sia in nobiagpa in kon sigad i nayadua, bo ki papa totok in motabi kon inia.’

KINOBAḺIAN 44:28

Inta muna ain nonaḷámai kon inakó. Notantúdon kon sia tua ain dinomok in mahaḷuk moraat, sin nodapotdon kon tanaa mako diádon in sia inontongku bui.

KINOBAḺIAN 45:26

“Ki Yusup nobiagpa!” guman monia kon inia. “Sia in nobaḻídon pongawasa kon bayongan butá in Mesir!” Nokodongog kon habar tatua, sia in tongábí kibio-biómai, bo diábí pinirisayanea in tosingogon monia tua.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

OMBAḶ 5:7

Mogoguyang nami in binaradosa, tanaa in diádon in mosia; táe kami in mustibí motarima kon roriga popisí in dosa mita monia.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

MATIUS 2:18

“Kinodongogandon in tombá kon Rama, ombaḷ bo amui inta totok mokokuyang; ki Rahel mongombaḷmai kon i adínea mita, bo sia in doí dondouḷugan, sin ki adínea mita in diá don.”