KINOBAḺIAN 41:8 - Alkitab Singog In Mongondow Masa In Tanaa

⁸ Nobangon monik doḷo-doḷom moajardon totok in ginanea, tuamai sia nomarentadon nokioiní in bayongan mososihir bo intau mita inta mopandoi kon Mesir. Bodongka inoumannea in togoindopnea tatua kon i monia, táe diá tobatúmai in kon sigad monia tua motaau moginsilang kon mangaḻe in togoindopnea tatua.

KINOBAḺIAN 41:8 Iomraidhean Croise

KINOBAḺIAN 40:6

Naonda in ki Yusup namangoi kon i monia nopoikoḷomai kon singgai, koontongan molamurú mako in taya dua tua.

KINOBAḺIAN 40:8

Tubag monia, “Kogobíi kami in sinumogoindop, bo diá doman kotaauan nami in mangaḻenea.” Guman i Yusup, “Tongábí ki Allah in motaau mobogoi in mangaḻe in togoindop. Oumanka in togoindop monimu tatua.”

KINOBAḺIAN 41:15

Ki datu noguman kon inia, “Akuoi ain sinumogoindop, bo diá tobatúmai intau mokopoguman kon mangaḻenea. Bo oyúon in nopotaau kon inakó kon iko in motaau mopoguman kon inakó in mangaḻe in togoindopku tatua.”

KINOBAḺIAN 41:24

Batoḷ in gandum inta nokepa tatua noḻiom kon inta kobonu koina. Aindon inoumanku in togoindopku tanaa kon mososihir mita, táe diá tobatúmai in motaau moginsilang kon mangaḻe in togoindopku tatua.”

KINOBAḺIAN 41:7

Bo batoḷ in gandum inta nokepa tatua noḻiom kon batoḷ in gandum pitu inta kobonu tatua. Onda intua ki datu noibangondon bo kinotaauanneadon kon sia in sinumogoindopdon.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

IḶUAIAN 7:11

Tuamai ki datu in nogoiní doman kon intaunea mita inta mototaau bo inta mososihir, bo mosia in nogaid doman kon ná tua pinongin totaau monia tatua.

IḶUAIAN 7:22

Táe intau mososihir mita kon Mesir nomia doman kon natua takin pongotahuan monia, dá ki datu tantú mokopotontogatpa doman kon gina. Ná inta ain pinoguman muna i Tuhan, kon datu in doí mokidongog kon i Musa bo kon i Harun

IḶUAIAN 8:7

Táe mososihir mita nomaké doman in sinotaau monia, bo pinomia doman monia in tumpaḷak mita nongoitukat nongkon butá tatua.

IḶUAIAN 9:11

Mososihir mita diá motaau mamangoi kon tayowon i Musa sin bayongan awak monia nopuḻingdon in bituḷ ná inta kon intau mita in Mesir ibanea.

YESAYA 19:3

Diábí pobaḻíon-Ku in tomayá mita in Mesir bo momutoḷ kon ibog in gina monia. Mosia in mopoigumbí in totuḷung kon berhala mita, mopoigum kon tonggina bo topotundú kon mongongundam mita bo dimukud mita.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 8:19

Táe intau mita in mopotabábí kon i monimu mopoigum in topotundú nongkon mongongundam mita inta gumombong bo inta mongumi-ngumit. Intau mita tatua in mogumanbí, “Patus aka degá in kita mopoigum in topotundú kon dimukud mita popisí in inta nobiagpa?”

DANIEL 1:20

Pomuḷoi in ki datu mongonguman kon soaḷ inta paraḷuon insilangan bo raion, dá indoianneamai kon tonggina bo tubag inaya opat tua in mopia-pia totok nongkon tonggina bo tubag in bayongan mononoḻindap bo mototaau mita kon bayongan in dodatuannea.

DANIEL 4:18

Ei Beltsazar, tuata in togoindopku. Tanaa in pogumandon kon inakó in mangaḻenea. Diábí tobatúmai in kon sigad in intau mita mongopandoi inta kon bonu in dodatuanku in nokopotaau kon inakó in mangaḻenea, táe iko in mokopotaaubí, sin iko in kinawasa in dimukud in dewa mita inta motusi.”

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

DANIEL 4:5

Táe kon doḷom tobatú kon tungkuḷ in akuoi nosiugpa sinumogoindop in akuoi bo nokouḻí kon oontongon inta mokoḻia-ḻiaw totok kon ginaku.

DANIEL 4:6

Bo inoiníku in intau mita inta mongopandoi inta nogutun kon Babel sin moginsilang kon inakó mangaḻe in togoindop tatua.

DANIEL 4:7

Táe naonda in mononoḻindap, mototaau bo intau mita inta mobayong in sinotaau bo intau mita inta nonotaau in bobayá in tundi namangoi bo inoumanku in togoindopku tatua kon i monia, yo diábí tobatúmai in intau in nokopoguman kon mangaḻenea.

DANIEL 5:11

Sin kon bonu in dodatuan i Tuangku oyúon in ḷoḷaki tobatú inta kinawasa in dimukud in dewa mita inta motusi. Kon dodai in pinomarentaan i amá i Tuangku, noniatadon kon intau tatua in totok mopandoi, momangaḻe bo kohikmat, inta naonda bo hikmat in dewa mita. Ki amá i Tuangku ki Datu Nebukadnezar ain noduí kon inia nobaḻí itoi in mogogoiní kon dimukud, mototaau bo in intau mita inta mobayong in sinotaau bo inta nonotaau in bobayá in tundi.

DANIEL 7:28

Tuatadon in pinoyaput naa. Moḻia-ḻiaw totok in ginaku dá nobilaidon, táe diábí tobatúmai intau in pinopotaauanku intua komintan.

DANIEL 8:27

Onda intua noḷungkoyódon in akuoi bo notakit tongonumai nosinggai in koonggotnea. Nopaḷut mako kon tua nobangondon in akuoi bo buidon nogaid kon oaidanku mita kon i datu. Táe moḻia-ḻiaw in ginaku in moraimai kon oontongon mita tatua bo diá mokomangaḻe.

IMAMAT 19:31

Dika mayá moigum kon tonggina in boḻian mita inta umuran moḻibó kon dimukud in intau mita inta ain minatoi. Aka aidan monimu intua yo moiko in mobaḻí monajis. Akuoi in ki Tuhan Allahmu.

IMAMAT 20:6

Intau inta mayá moigum kon tonggina kon boḻian inta mogoinímai kon dimukud in intau inta ain minatoi in hukumon-Kubí bo diádon iapon-Ku anggota in umat-Ku.

HABAKUK 3:16

Nokodongogmai kon tua, inagían in ondok in akuoi bo bibigku in motondodaḷó. Akuoi in nobaḻí noḻemé diádon in ropot, sioḷku in noipintud, kon ondaka in bayáanku. Oḷatonkubí takin gina moodom in hukuman i Allah kon mononubu.

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

OUMAN IN RASUL MITA 17:18

Guru mita nongkon golongan in Epikuros bo Stoa nobobayowanmai takinnea. Oyúon kon sigad monia tua in nosingog nanaa, “Eta onubí in kotaauan in intau mita tanion? Mosia nion in dondunguḷbí mita, táe moantó in ouman!” Bo ibanea in moguman doman, “Sia nion ná bí mopotaau in dewa ibanea.” Tua mita in singog monia sin ki Paulus nopotaau in habar soaḷ ki Yesus kon i monia bo soaḷ doman kobiagan naonda in matoi.

OUMAN IN RASUL MITA 7:22

Bayongan in pongotahuan in bangusa Mesir nodait sinundú kon inia, sahingga in sia nobaḻí intau inta totok mokawasa kon soaḷ pososingog bo oaidnea.

KORINTUS 1 1:19

Sin kon bonu in Buk Motusi, ki Allah in noguman nanaa, “Poyayingon-Ku in kapandoian intau mita inta mongopandoi, bo onu in kinotaauan in intau mita inta norosikoḷa, daiton-Ku popoḻiong.”

SAMUEL 1 6:2

intau in Pilistin nogoiní kon imang mita bo mososihir bo noḻibó, “Onuon naton in Poti Dodandian i Tuhan tatua? Aka pobuion naton kon tampatnea, yo naonda in mopobui?”