KINOBAḺIAN 41:57 - Alkitab Singog In Mongondow Masa In Tanaa

⁵⁷ Nongkon bayongan ḻipú kon dunia naa intau mita namangoi in Mesir sin motaḷui kon gandum nongkon i Yusup, sin malarat tatua totokdon in motoyang kon bayongan tampat.

KINOBAḺIAN 41:57 Iomraidhean Croise

KINOBAḺIAN 12:10

Táe kon Kanaan koyogot in malarat moḷoben, tuamai ki Abram in minayápa bui in tampat inta moyayu-yayú nopobayá in toḷatan, kon butá in Mesir sin mogutun kon tua modapot in malarat tatua mopaḷut.

KINOBAḺIAN 41:54

Dá noitoḻiudon pitu notaong sempo in malarat, noyokaan totok ná inta ain pinotaau i Yusup. Kon bayongan tampat nobaḻídon in malarat, táe kon bayongan butá in Mesir nobarong in toibaḷun in kaanon.

KINOBAḺIAN 41:56

Naonda in malarat tatua nodunggangdon totok in kororiganea bo noibaya-bayádon mako kon bayongan ḻipú, ki Yusup nomukatdon kon bayongan ontag bo nopotaḷui in gandum tatua kon intau in Mesir.

KINOBAḺIAN 42:1

Naonda in kinodongogan i Yakub kon oyúon in gandum kon butá in Mesir, dá sia noguman kon i adínea mita, “Nongonu sin moiko in tongábí kibio-biómai?

KINOBAḺIAN 42:5

Pinopisí in malarat kon butá in Kanaan, dá ki adí i Yakub takin intau moantó ibanea namangoi notaḷui kon gandum kon Mesir.

KINOBAḺIAN 42:6

Intau inta nopotaḷui in gandum kon intau mita inta nongkon ḻipú-ḻipúannea tua in ki Yusupbí, gubernur in Mesir. Tuamai ki guya-guyangnea mita namangoi bo sinumungkud kon tayowonnea.

KINOBAḺIAN 43:1

Malarat kon Kanaan totokdon modugang motoyang, bo naonda in nodaitdon in gandum inta dinia nongkon Mesir kon motoḷuadí i Yakub, ki Yakub in nogumandon kon i adínea mita, “Bayádon bui in Mesir bo buidon potaḷui kon gandum sin kaanon naton.”

KINOBAḺIAN 47:14

Pomuḷoi in mosia motaḷui kon gandum, sipunon i Yusup in doit inta pinotaḷui monia kon gandum tatua, bodongka tagúonnea kon komaḻig i datu.

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

ULANGAN 9:28

Aka umat-Mu yopúon-Mu doman, dá intau mita in Mesir in mosingogbí kon Iko in diábí mokosanggup in modia kon bangusa-Mu mayá in butá inta pinodandi-Mu kon i monia, bo Iko nodia kon i monia mayá in padang gurun sin ḻimodon, sin moyaat in gina-Mu kon i monia.