KINOBAḺIAN 41:52 - Alkitab Singog In Mongondow Masa In Tanaa

⁵² Sia in noguman doman, “Ki Allah ain nobogoi kon inakó in adí kon bonu in rorigaku,” bo sinangoianneadon ki adínea induanea tua ki “Epraim”.

KINOBAḺIAN 41:52 Iomraidhean Croise

KINOBAḺIAN 17:6

Akuoi in mobogoi kon inimu in adí bo ompu inta mobarong, bo kon sigad monia tua oyúon in mobaḻí datu mita. Buímu in mobaḻí moantó totok, dapot in mosia mobaḻí bangusa mita.

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 41:51

Guman i Yusup, “Pinoḻiongdon i Allah in bayongan rorigaku bo motoḷuadí i amáku.” Tuamai ki adínea inta muna sinangoiannea ki “Manasye”.

KINOBAḺIAN 41:53

Pitu notaong sempo in pinosipunan kon bungai in boyó inta mobayong totok ain kinobayáan kon bonu in butá kon Mesir nopaḷutdon.

KINOBAḺIAN 48:1

Diá noonggot kon tua pinotaaudon kon i Yusup kon ki amánea in notakitdon moyoyiga. Dá minayádon in sia takin ki adínea doyowa, ki Manasye bo ki Epraim, minayá noḷongow kon i Yakub.

KINOBAḺIAN 48:5

Guman bui i Yakub, “Yusup, ki adímu doyowa, ki Epraim bo ki Manasye inta noilahir kon Mesir naa kon dodai in akuoi diápa noyaput kon naa, inanggapkubí ná ki adíku tontaní, pinodayan ná ki Ruben bo ki Simeon.

KINOBAḺIAN 49:22

Ki Yusup naonda bo keledai inta batánea, keledai kaḻig kon diug in bokaká, noribatuk kon aḻet in buḷud.

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

PINOGIAPAN 26:28

Nongkon buí i Yusup, inta kogadí kon adí ḷoḷaki doyowa: Suku i Manasye bo suku i Epraim.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

YOSUA 16:4

Tuata in butá mita inta inogoi kon suku in Manasye bo Epraim, buí i Yusup, sin mobaḻí kapunyaan monia.

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”