KINOBAḺIAN 41:51 - Alkitab Singog In Mongondow Masa In Tanaa

⁵¹ Guman i Yusup, “Pinoḻiongdon i Allah in bayongan rorigaku bo motoḷuadí i amáku.” Tuamai ki adínea inta muna sinangoiannea ki “Manasye”.

KINOBAḺIAN 41:51 Iomraidhean Croise

KINOBAḺIAN 41:30

Mopaḷut mako kon tua moiangoidon in sempo malarat pitu notaong in koonggotnea, bo sempo in bungai in boyó mobarong tatua in koḻiongandon, sin sempo in malarat tatua in totokbí in motoyang dapot in butá tanaa mobaḻídon moingkag totok.

KINOBAḺIAN 41:50

Kon dodai in diápa noiangoi sempo in malarat, ki Asnat ki buḷoi Yusup nopononggadídon in adí ḷoḷaki doyowa.

KINOBAḺIAN 41:52

Sia in noguman doman, “Ki Allah ain nobogoi kon inakó in adí kon bonu in rorigaku,” bo sinangoianneadon ki adínea induanea tua ki “Epraim”.

KINOBAḺIAN 48:1

Diá noonggot kon tua pinotaaudon kon i Yusup kon ki amánea in notakitdon moyoyiga. Dá minayádon in sia takin ki adínea doyowa, ki Manasye bo ki Epraim, minayá noḷongow kon i Yakub.

KINOBAḺIAN 48:5

Guman bui i Yakub, “Yusup, ki adímu doyowa, ki Epraim bo ki Manasye inta noilahir kon Mesir naa kon dodai in akuoi diápa noyaput kon naa, inanggapkubí ná ki adíku tontaní, pinodayan ná ki Ruben bo ki Simeon.

AYUB 11:16

modapot in rorigamu diá bidon kotoropanmu; naonda bo ḷunud inta nomiot, kinoḻiongandon in intau.

MAZMUR 30:11

Indongogaipa, o Tuhan, bo kotabipa in akuoi. Tuhan tuḷungaipa kaasí in akuoi!”

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

MAZMUR 45:10

Kon sigad in dayang-dayang in komaḻig oyúon in ki adí mita bobay i datu. Kon dotá in koḷanan pomomarentaan oyúon in ki buḷoi i datu takin nopoḷambá in buḷawan taakan.

AMSAL 31:7

Mosia in monginum sin moḻiong kon kobiagan mobogá bo roriga monia.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

PINOGIAPAN 26:28

Nongkon buí i Yusup, inta kogadí kon adí ḷoḷaki doyowa: Suku i Manasye bo suku i Epraim.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”