KINOBAḺIAN 41:43 - Alkitab Singog In Mongondow Masa In Tanaa

⁴³ Bo inogoineadon kon i Yusup in kereta dodatuan inta induanea, bo pongawal kahoromatan i datu minaya-mayá kon muna in kereta tatua takin mobaḷu, “Pokoingat! Ogoiai in daḷan! Ogoiai in daḷan!” Natuata ki Yusup binaḻídon gubernur kon butá in Mesir.

KINOBAḺIAN 41:43 Iomraidhean Croise

KINOBAḺIAN 41:44

Guman i datu kon inia, “Akuoi naa in datu – bo akuoi mopotaau kon aka diá muna kotaauanmu yo diá tobatúmai in motaau mogaid kon onuka.”

KINOBAḺIAN 42:30

“Ki Gubernur in Mesir mobuḷaḷubí totok in pososingognea kon inami bo sia noponapud kon kami naa in mata-mata inta mayá motayak kon kalemahan monia.

KINOBAḺIAN 42:33

Ki Gubernur tatua in noguman, ‘Tungkuḷankupa in moiko sinbá kotaauanku mongo totuu kon moiko nion in intau mita motuḻid: Kon sigad monimu nion in tobatú musti mogutunpa kon naa; ibanea in motaaudon mobui modia kon gandum kon motoḷuadímu inta kinoantugan in malarat.

KINOBAḺIAN 42:6

Intau inta nopotaḷui in gandum kon intau mita inta nongkon ḻipú-ḻipúannea tua in ki Yusupbí, gubernur in Mesir. Tuamai ki guya-guyangnea mita namangoi bo sinumungkud kon tayowonnea.

KINOBAḺIAN 45:26

“Ki Yusup nobiagpa!” guman monia kon inia. “Sia in nobaḻídon pongawasa kon bayongan butá in Mesir!” Nokodongog kon habar tatua, sia in tongábí kibio-biómai, bo diábí pinirisayanea in tosingogon monia tua.

KINOBAḺIAN 45:8

Dá sabanarnea in deemanbí moiko in nokopopisí kon inakó noiangoi in naa, táe ki Allahbí. Binaḻídon i Allah in akuoi pogawai i datu inta kon ḻimonik in bayongan pogawainea kon Mesir naa. Akuoi ain inogoian in kawasa kon bayongan komaḻignea bo bayongan butá in Mesir.

KINOBAḺIAN 50:18

Bo ki utatneadon in namangoi tontaní bo sinumungkud kon tayowonnea takin noguman, “Kami naa in bobantungmu.”

KINOBAḺIAN 50:9

Rombongan inta sinumakoi kon kereta bo inta sinumakoi kon kabaḷo sinumakin doman, dapot in pipidan intau mita inta sinumakin totok in moḷanggó.

ESTER 10:3

Ki Mordekhai, intau in Yahudi tatua in tantúbí nokantang kon oaidan moḷantud kon ḻimonagan i Datu Ahasyweros. Ki Mordekhai in ihoromat bo kinoibog in intau mita tongobangusanea. Sia in noḷongasi nogaid sin kasaḷamatan bo kobiagan motompia in bangusanea bo bayongan in buí monia.

ESTER 3:2

Ki datu in nomarenta kon bayongan in pogawainea sinbá mohoromat kon i Haman poḷat tumungkud kon tayowonnea. Komintanbí dinumudui kon parenta tatua, koḻikudbí in ki Mordekhai.

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

PILIPI 2:10

Sinbá kon bonu in tangoi Yesus, bayongan in mahaḷuk inta kon ḷangit, kon butá ande kon ḻimonag in butá, komintandon mosumba kon i-Nia.