KINOBAḺIAN 41:41 - Alkitab Singog In Mongondow Masa In Tanaa

^41-42 Onda intua ki datu noḷongkut kon sising inta nongkon gongguyamúnea inta ukuran stempel in dodatuan, bodongka pinopoḷutud kon gongguyamú i Yusup poḷat noguman, “Nanaadon akuoi in mopobaḻí kon inimu gubernur kon bayongan butá in Mesir.” Noiduduimai kon tua pinopopakéneadon kon i Yusup in tobatú jubah inta momahaḷ bo moaḷus totok, bo pinopopakéannea domandon in boboḷ buḷawan.

KINOBAḺIAN 41:41 Iomraidhean Croise

KINOBAḺIAN 39:22

Bayongan intau kon ponjara tatua pinoki indoineadon kon i Yusup, bo ki Yusupdon moindoi kon bayongan oaidan kon bonu in ponjara tatua.

KINOBAḺIAN 39:5

Mulai sia inogoian kawasa mogurus kon baḷoi bo bayongan in kapunyaannea, ki Tuhan nomarakatdon kon baḷoi intau bo bayongan kapunyaan intau in Mesir tatua sin oaid i Yusup, pinomayá inta kon baḷoi ande inta kon gobá.

KINOBAḺIAN 41:44

Guman i datu kon inia, “Akuoi naa in datu – bo akuoi mopotaau kon aka diá muna kotaauanmu yo diá tobatúmai in motaau mogaid kon onuka.”

KINOBAḺIAN 42:6

Intau inta nopotaḷui in gandum kon intau mita inta nongkon ḻipú-ḻipúannea tua in ki Yusupbí, gubernur in Mesir. Tuamai ki guya-guyangnea mita namangoi bo sinumungkud kon tayowonnea.

KINOBAḺIAN 45:8

Dá sabanarnea in deemanbí moiko in nokopopisí kon inakó noiangoi in naa, táe ki Allahbí. Binaḻídon i Allah in akuoi pogawai i datu inta kon ḻimonik in bayongan pogawainea kon Mesir naa. Akuoi ain inogoian in kawasa kon bayongan komaḻignea bo bayongan butá in Mesir.

ESTER 10:3

Ki Mordekhai, intau in Yahudi tatua in tantúbí nokantang kon oaidan moḷantud kon ḻimonagan i Datu Ahasyweros. Ki Mordekhai in ihoromat bo kinoibog in intau mita tongobangusanea. Sia in noḷongasi nogaid sin kasaḷamatan bo kobiagan motompia in bangusanea bo bayongan in buí monia.

MAZMUR 105:21

Sia in pinopopirisayaan in oaidan moindoi kon komaḻig, bo inogoian in kawasa moindoi kon bayongan in tombonunea;

AMSAL 17:2

Bobantung inta mopandoi in mongawasabí kon adí inta moḷawang; bo motarimabí kon tonsilai moyotakin i utat mita in adí tatua.

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.

DANIEL 6:3

Ki Daniel bo intau doyowa ibanea in dinuínea sin moindoi kon oaidan in gubernur mita tatua sinbá ki datu diá porugionmai.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.