KINOBAḺIAN 41:4 - Alkitab Singog In Mongondow Masa In Tanaa

⁴ Onda intua sapi mita inta nongorutuk nokaanbí kon sapi mita inta nongoḷongó. Onda intua ki datu noibangondon nongkon siugnea tatua.

KINOBAḺIAN 41:4 Iomraidhean Croise

KINOBAḺIAN 41:2

Indoianmai daḻíbí noitukat magí in sapi pitu inta totok nongoḷongó bo kuḻitnea in mopouḻi uḻinag, iḻumuai nongkon ongkag tatua bo mulai nokaan kon bonok kon bingkí in ongkag tatua.

KINOBAḺIAN 41:3

Noiduduimai kon tua sapi mita ibanea noitukat doman mangoi; biag mita tatua nongorutuk, dongkadon kuḻit noibakut kon tuḷan. Sapi mita inta nongorutuk tatua sinimindog kon diug in sapi mita inta nongoḷongó, kon bingkí in ongkag tatua.

KINOBAḺIAN 41:5

Sia in nosiug bui bo sinumogoindop doman bui. Kon bonu in togoindopnea tatua sia in nokoontong kon batoḷ in gandum pitu inta nomonu bo noḷutúdon mita nobiag kon simpungoinea.

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.