KINOBAḺIAN 41:32 - Alkitab Singog In Mongondow Masa In Tanaa

³² Togoindop i Tuang tua kodua nobaḻí, tua in mangaḻenea kon soaḷ tatua aindon sinantú i Allah bo ḷagidon aidan i Allah intua.

KINOBAḺIAN 41:32 Iomraidhean Croise

KINOBAḺIAN 37:7

Sinumogoindop in akuoi kon kuma kita komintan in kon gobá bo mobogotmai kon gandum, indoianmai gandumku in sinimindogbí monik. Onda intua bogotan mita in gandum monimu namangoi iḻimibu kon bogotan in gandumku bo nosumba kon bogotan in gandumku.”

KINOBAḺIAN 37:9

Noiduduimai kon tua ki Yusup bui doman sinumogoindop, bo sia noguman kon i guya-guyangnea mita, “Akuoi in sinumogoindop bui, inontongku mata in singgai, buḷan bo tundi mopuḷú bomitá sinumungkud nosumba kon inakó.”

KINOBAḺIAN 41:25

Bo ki Yusup noguman kon i datu, “Togoindop doyowa tatua notongkai in mangaḻenea; Ki Allah ain nopotaau kon i Tuangku onu in aidan-Nea.

KINOBAḺIAN 41:28

Ná inta ain pinogumanku kon i Tuangku, kon ki Allah ain nopoontong kon i Tuangku onu in pomiaan-Nea.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

DANIEL 2:45

Ki Tuangku in nokoontongdon tontaní kon diábí iḻiai in intau in batu tobatú bo noḷabú nongkon irib bo noigonag bo nomutuk kon patong nongkon uatoi, bitú, butá ḷamentong, saḷaka bo buḷawan tatua? Ki Allah inta moḷoben in noponiata kon i Tuangku onu inta mobaḻí kon singgai moiduduimai. Togoindop tatua in motaaubí pirisayaan bo onu in ininsilangan in bobantung naa in totuubí.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MARKUS 10:40

Táe aka soaḷ ki ine in ḻimitú kon dotá in koḷanan ande kon dotá in koḷoigi-Ku, tua diábí in hak-Ku monantú. Ki Allahbí in monantú mongo ki ine in ḻimitú kon tampat mita tatua.”

KORINTUS 1 2:9

Tongá soaḷ tatua ain bidon noipais kon Buk Motusi, “Onu inta diá kon dodai in onda inontong andeka dinongog in intau, bo diá doman dodai onda in kinoraian intau, tuatabí in sinadia i Allah kon bayongan intau inta motoindudui kon i-Nia.”

KORINTUS 2 13:1

Naa in kointoḷuneadon in akuoi namangoi nokipodungkuḷ kon i monimu. Kon Buk Motusi ain pinais nanaa, “Pomuḷoi in pelekara musti sakusian in doyowa ande toḷu in intau, bain tua pelekara tatua motaau akúon kon totuu.”

WAHYU 9:15

Dá binuḻiandon in malaekat opat tatua. Mosia tua in sinila-silaiandon in tugas, oyúon kon jam, kon singgai, kon buḷan bo kon taong sin moḻimod kon sepertiga nongkon bayongan in intau inta kon dunia naa.