KINOBAḺIAN 41:30 - Alkitab Singog In Mongondow Masa In Tanaa

^30-31 Mopaḷut mako kon tua moiangoidon in sempo malarat pitu notaong in koonggotnea, bo sempo in bungai in boyó mobarong tatua in koḻiongandon, sin sempo in malarat tatua in totokbí in motoyang dapot in butá tanaa mobaḻídon moingkag totok.

KINOBAḺIAN 41:30 Iomraidhean Croise

KINOBAḺIAN 41:21

Táe nokaan mako in sapi mita inta norutuk tatua umuranbí doman norutuk. Bo akuoi noibangondon kon siugku tatua.

KINOBAḺIAN 41:27

Sapi pitu inta norutuk tatua, inta noitukat noiduduimai, bo batoḷ in gandum pitu inta nokepa bo noḷaot in tompot pomukaan, tua in mangaḻenea sempo in malarat koonggotnea pitu notaong.

KINOBAḺIAN 41:51

Guman i Yusup, “Pinoḻiongdon i Allah in bayongan rorigaku bo motoḷuadí i amáku.” Tuamai ki adínea inta muna sinangoiannea ki “Manasye”.

KINOBAḺIAN 41:54

Dá noitoḻiudon pitu notaong sempo in malarat, noyokaan totok ná inta ain pinotaau i Yusup. Kon bayongan tampat nobaḻídon in malarat, táe kon bayongan butá in Mesir nobarong in toibaḷun in kaanon.

KINOBAḺIAN 41:56

Naonda in malarat tatua nodunggangdon totok in kororiganea bo noibaya-bayádon mako kon bayongan ḻipú, ki Yusup nomukatdon kon bayongan ontag bo nopotaḷui in gandum tatua kon intau in Mesir.

KINOBAḺIAN 47:13

Malarat tatua totokdon motoyang, nodapot in kon bayongan tampat kinodaitandon in kaanon. Rayat kon Mesir bo rayat in Kanaan moyangkódon bo kinodaitandon in daya sin gogoyon.

SAMUEL 2 24:13

namangoi in ki Gat kon tayowonnea bo nopotaau kon inia in parenta i Tuhan tatua, kainia, “Onda in piḻíon i Tuang datu: Butá tanaa koantugan in malarat diá in kaanon kon bonu in toḷu notaong, andeka ki Tuang datu in moḷagui sin aḷo-aḷowan mako in musung kon bonu in toḷu nobuḷan, andeka butá tanaa tubuon in takit kon bonu in toḷu nosinggai? Tantúdon kon tanaa mako onu inta mustiku potaau kon i Tuhan.”

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA 2 8:1

Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

MAZMUR 105:16

Ki Tuhan in nopoangoi in gogoy kon butá tatua, bo nogamá kon bayongan in tongkaaḷ in kaanon.

AMSAL 31:7

Mosia in monginum sin moḻiong kon kobiagan mobogá bo roriga monia.

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

LUKAS 4:25

Táe indongogai in singog-Ku naa: kon tungkuḷ i Nabi Elia, wakutu in kinodaitan kaanon sin toḷudon notaong kapin in diá nonguya-nguyan. Wakutu intua noantó in dongkadon boba-bobay kon Israel.

YAKOBUS 5:17

Ki Elia in tumpaḷa doman intau ná kita naa. Sia in nosambayang totu-totuu nopoigum sinbá diá monguyan-nguyan, dá diá doman nonguyan-nguyan kon bonu in toḷu notaong bo tobotak.