KINOBAḺIAN 41:26 - Alkitab Singog In Mongondow Masa In Tanaa

²⁶ Sapi pitu inta noḷongó tatua in pitu notaong, bo batoḷ in gandum pitu inta kobonu tatua mangaḻenea in pitu doman notaong; notongkai in mangaḻe doyowa tatua.

KINOBAḺIAN 41:26 Iomraidhean Croise

KINOBAḺIAN 2:24

Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.

KINOBAḺIAN 40:12

Ki Yusup in noguman, “Naa in mangaḻenea: Tanga toḷu tatua mangaḻenea toḷu nosinggai.

KINOBAḺIAN 40:18

Tubag i Yusup, “Naa in mangaḻe in togoindopmu tatua: Karansi toḷu tatua mangaḻenea toḷu nosinggai.

KINOBAḺIAN 41:2

Indoianmai daḻíbí noitukat magí in sapi pitu inta totok nongoḷongó bo kuḻitnea in mopouḻi uḻinag, iḻumuai nongkon ongkag tatua bo mulai nokaan kon bonok kon bingkí in ongkag tatua.

KINOBAḺIAN 41:25

Bo ki Yusup noguman kon i datu, “Togoindop doyowa tatua notongkai in mangaḻenea; Ki Allah ain nopotaau kon i Tuangku onu in aidan-Nea.

KINOBAḺIAN 41:27

Sapi pitu inta norutuk tatua, inta noitukat noiduduimai, bo batoḷ in gandum pitu inta nokepa bo noḷaot in tompot pomukaan, tua in mangaḻenea sempo in malarat koonggotnea pitu notaong.

KINOBAḺIAN 41:29

Pokotaaudon Tuangku, kon bonu in pitu notaong mobaḻí in sempo mosipun kon bungai in boyó inta mobarong totok kon bayongan butá in Mesir.

KINOBAḺIAN 41:47

Kon bonu in pitu notaong butá totokdon in nobogoi in bungai in boyó inta mobarong totok.

KINOBAḺIAN 41:5

Sia in nosiug bui bo sinumogoindop doman bui. Kon bonu in togoindopnea tatua sia in nokoontong kon batoḷ in gandum pitu inta nomonu bo noḷutúdon mita nobiag kon simpungoinea.

KINOBAḺIAN 41:53

Pitu notaong sempo in pinosipunan kon bungai in boyó inta mobayong totok ain kinobayáan kon bonu in butá kon Mesir nopaḷutdon.

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IḶUAIAN 26:6

Pomiaai doman kon tongkaud nongkon buḷawan ḻima nopuḷú in kobayongnea sin popoyotondoḷan kon ḻeag doyowa tatua sinbá motaau potobatúon.

DANIEL 2:45

Ki Tuangku in nokoontongdon tontaní kon diábí iḻiai in intau in batu tobatú bo noḷabú nongkon irib bo noigonag bo nomutuk kon patong nongkon uatoi, bitú, butá ḷamentong, saḷaka bo buḷawan tatua? Ki Allah inta moḷoben in noponiata kon i Tuangku onu inta mobaḻí kon singgai moiduduimai. Togoindop tatua in motaaubí pirisayaan bo onu in ininsilangan in bobantung naa in totuubí.”

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

YOHANES 1 5:7

Toḷu in sakusi kon soroga: ki Amá, Pirman bo Roho Mokudus. Toḷu tatua in notobatúbí: