KINOBAḺIAN 40:9 - Alkitab Singog In Mongondow Masa In Tanaa

⁹ Mopoposadia in oinumon i datu tatua in noguman, “Kon togoindop tua, akuoi in nokoontong kon oyúon pangkoi in anggur kon tayowonku.

KINOBAḺIAN 40:9 Iomraidhean Croise

KINOBAḺIAN 40:1

Naonda in tua mita nobaḻí, bobantung i datu in Mesir doyowa, inta mopoposadia in pongonginuman bo inta mopoposadia in kaanon, nomia kon noitaḷá kon i datu.

KINOBAḺIAN 40:10

Pangkoi in anggur tatua nonanga toḷu. Bagupa in tanganea mita tatua monondaun, indoianmai mulaidon ḷumuai doman in bungainea, bo indoianmai bungainea in noḷutúdon.

KINOBAḺIAN 40:2

Dá sinumorúdon in ki datu kon bobantungnea doyowa tatua,

KINOBAḺIAN 40:8

Tubag monia, “Kogobíi kami in sinumogoindop, bo diá doman kotaauan nami in mangaḻenea.” Guman i Yusup, “Tongábí ki Allah in motaau mobogoi in mangaḻe in togoindop. Oumanka in togoindop monimu tatua.”

DANIEL 2:31

Naa in oontongon inta inontong i Tuangku: Kon tayowon i Tuangku oyúon in patong tobatú! Patong tatua in moḷoben totok, bo mopouḻi-uḻinag táe batangannea in mokokoningkim totok.

DANIEL 4:8

Imbuitnea namangoidon in ki Daniel inta dinonoi doman ki Beltsazar naonda bo tangoi in dewaku. Ki Daniel in kinawasaan in dimukud in dewa mita inta motusi. Inoumanku doman kon inia in togoindopku, kon inakó,