KINOBAḺIAN 40:11 - Alkitab Singog In Mongondow Masa In Tanaa

¹¹ Kon dodai intua akuoi kokada-kadai in galas pongonginuman i datu, dá ginamáku in bungai in anggur tatua bo pinugutku kon bonu in galas i datu, bodongka binayáku inogoi sin inumon i datu.”

KINOBAḺIAN 40:11 Iomraidhean Croise

KINOBAḺIAN 40:1

Naonda in tua mita nobaḻí, bobantung i datu in Mesir doyowa, inta mopoposadia in pongonginuman bo inta mopoposadia in kaanon, nomia kon noitaḷá kon i datu.

KINOBAḺIAN 40:10

Pangkoi in anggur tatua nonanga toḷu. Bagupa in tanganea mita tatua monondaun, indoianmai mulaidon ḷumuai doman in bungainea, bo indoianmai bungainea in noḷutúdon.

KINOBAḺIAN 40:12

Ki Yusup in noguman, “Naa in mangaḻenea: Tanga toḷu tatua mangaḻenea toḷu nosinggai.

KINOBAḺIAN 40:21

Itoi in mopoposadia kon oinumon pinopobuineadon kon oaidannea koḻipod.

KINOBAḺIAN 49:11

Ki adí in keledainea sinogotnea kon pangkoi, pangkoi in anggur inta totok in mopia. Sia in nomatá kon pakeangnea takin momaké in anggur, anggur ná kopura in dugú.

DATU MITA IMITÁNEA 10:5

pogogaid in pogawainea mita kon komaḻignea, bo pakeang moyotakin bo baḷoi mita monia. Inindoiannea doman in kaanon bo oinumon inta inoḷud, pononoḻisí in bobantung mita kon rame, bo kuruban mita inta pinosumba i Salomo kon Baḷoi Tuhan. Bayongan intua nokoherang nodapot in noitongau in ki datu bobay nongkon butá in Syeba tatua.

TAWARIKH 2 9:4

pogogogaid in pogawai mita in komaḻignea, bo ḷambung soragam takin baḷoi mita monia. Inindoiannea in kaanon mita inta inoḷud, bo ḷambung in bobantung mita inta nobantung kon rame; inindoiannea doman in kuruban inta pinosumba i Salomo kon Baḷoi Tuhan. Bayongan intua nokotongaw kon i datu bobay nongkon butá in Syeba tatua.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

AMSAL 3:10

dá ontagmu mita in mopuḻingbí in gandum, bo tubig in anggurmu mobarongdon totok modapot in diádon in pobonuan kon tua.

IMAMAT 10:9

“Naonda in mopaḷut mako monginum kon anggur ande oinumon mokoḷoḷangu, iko bo ki adímu mita in diábí motaau in tumuot kon bonu in Ḷoḷaigan-Ku. Aka moiko ḻimimpat kon atorang tatua, yo matoi. Atorang tatua musti duduian in bayongan buímu.