KINOBAḺIAN 4:9 - Alkitab Singog In Mongondow Masa In Tanaa

⁹ Ki Tuhan in noḻibó kon i Kain, “Kon onda in ki Habel ki ai-aimu?” Ki Kain in notubag: “Diábí kinotaauanku. Deemanbí in akuoi moḷoḷukad i ai-aiku?”

KINOBAḺIAN 4:9 Iomraidhean Croise

KINOBAḺIAN 37:26

Bo ki Yohuda in noguman kon i utatnea mita, “Onubí in mangaḻenea kita moḻimod kon i ai-ai naton bodongka mobuni kon tua?

KINOBAḺIAN 37:32

Onda intua jubah tatua pinoki atod monia kon i amá monia takin koyow, “Jubah tanaa nouḻí nami. Pirikisaka mongo jubah i adí i Papa in naa?”

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

MAZMUR 9:12

Dayowdon in ki Tuhan inta nomarenta kon Sion! Oumandon in onu inta pinomia-Nea kon bangusa mita!

MAZMUR 9:13

Sin kotoropan-Nea in intau inta kinoantugan in roriga bo diábí koḻiongan-Nea in kuani monia; intau inta mogaid kon inta moraat in hukumon-Nea.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.