KINOBAḺIAN 4:8 - Alkitab Singog In Mongondow Masa In Tanaa

⁸ Bo ki Kain in noguman kon i Habel, ki ai-ainea tua, “Koḻigai kita mayá in gobá.” Naonda in mosia kon tua, ki Kain in nomongkug bo poḷat noḻimod kon i Habel inta ki ai-ainea tontaní tua.

KINOBAḺIAN 4:8 Iomraidhean Croise

KINOBAḺIAN 4:25

Ki Adam bo ki buḷoinea bui nokouḻí kon adí ḷoḷaki. Guman i Hawa, “Ki Allah aindon nobogoi bui kon inakó in adí ḷoḷaki tobatú nobaḻí toḻiu i Habel, inta ain iḻimod i Kain.” Tuamai sinangoian i Hawa in adí tatua ki Set.

SAMUEL 2 14:6

Bobantung naa in kogadí kon adí ḷoḷaki doyowa, bo kon singgai tobatú taya dua in noropatoi kon apow. Popisí in diá in nopoyoguat, dá tobatú kon sigad nayadua tatua in minatoi kinoḻimodan.

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

TAWARIKH 2 21:4

Kon dodai in ki Yehoram nokotaaumai kon ḷoḻitúannea in noropotdon, dá pinoki ḻimodneadon in bayongan ki utatnea, bo tongonumai in intau moḷoben ibanea.

NEHEMIA 6:2

Dá ki Sanbalat bo ki Gesyem nokidia mangoi in undangan kon inakó sinbá mamangoi moyodungkuḷ monia kon ḻipú tobatú kon Ḷopá in Ono. Táe kinotaauanku kon mosia tua in moniat mopobodito kon inakó.

AYUB 11:15

Dá iko in motaaudon tumayow kon kobiagan takin motaba bo moroton; iko in simindog bidon motorindog bo diá bidon umuran moḻia-ḻiaw in gina,

MAZMUR 139:19

Igumon mako intau moraat yompaton-Mu, o Allah, poyayúdon in moḷoḻimod nongkon inakó!

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

MAZMUR 55:21

Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

MIKHA 7:6

Sin, kon wakutu ná tanaa tombonu in motoḷuadí mosisaturuan: adí ḷoḷaki moningkuḻe kon i amánea, adí bobay monayow kon i inánea, bo mototaka bobay mobobayowan i guyánea.

PINOGIAPAN 35:20

Aka intau tobatú moyaat in ginanea kon intau ibanea, bo poḷat moḻimod kon intau tatua takin mopomobak kon inia andeka mopogarab in barang tobatú kon inia,

MATIUS 23:35

Tuamai, moiko in motanggung kon oaid monimu inta moḷoḻimod kon intau mita inta diá kotaḷá, pinangkoipamai kon i Habel intau inta mopia tua, modapot kon i Zakharia ki adí i Berekhya, inta iḻimod monimu kon sigad in tampat mokudus bo meja pototuduan kon sosumba.

LUKAS 11:51

pinangkoipa kon pinoḻimodan kon i Habel nodapot in pinoḻimodan kon i Zakharia inta iḻimod, kon sigad in meja pobobogoian kon sosumba bo Baḷoi Tuhan. Popirisayabí: Intau mita masa naa pastibí kon hukumon sin popisí in oaid mita tatua.

LUKAS 22:48

Táe ki Yesus in noguman kon inia, “Yudas, degá ayokmu bidon tanaa in mobaḻí tanda kon iko in nomaḻidawandon kon i Adí Intau?”

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.