KINOBAḺIAN 4:4 - Alkitab Singog In Mongondow Masa In Tanaa

⁴ Bo ki Habel in nogamá doman kon ki adí in dombanea inta guya-guyang, iratánea bodongka pinosumbanea kon i Tuhan in onu inta totok in nopira. Nopia in gina i Tuhan kon i Habel takin sosumbanea tatua,

KINOBAḺIAN 4:4 Iomraidhean Croise

KINOBAḺIAN 15:17

Naonda in nodoḷomdon, indoianmai yo daḻíbí inontong in tuḷú popoyokan takin poḷombow inta koyongki-yongkit, bo sinumaḻib kon tapú mita inta ain iḷosi-ḷosi tatua.

KINOBAḺIAN 4:3

Diá noonggot kon tua ki Kain nogamá kon tosilai nongkon bungai in pinomuḷanea bo pinosumbanea kon i Tuhan.

DATU MITA IMITÁNEA 18:24

Pomayádon mako in nabi mita in Baal tatua mosambayang kon dewa monia, bo akuoi in mosambayangbí doman kon i Tuhan inta motubag takin mopoangoi in tuḷú, yo Siabí tua in Allah.” Bayongan in rayat notubag takin tosingogon inta moropot, “Moibog!”

DATU MITA IMITÁNEA 18:38

Bo pinopoangoidon i Tuhan in tuḷú nongkon ḷangit bo nomokak kon kuruban tatua takin kayunea mita, batunea mita bo butánea nodapot in tubig kon gotnea in nodaitnea dinilá.

TAWARIKH 1 21:26

Bo ki Daud in noposindog in mezbah tobatú kon tua sin posumbaan kon i Tuhan, bo noposumba in kuruban payongon bo kuruban dodamean. Onda intua sia nosambayang bo inindongogan i Tuhan in sambayangnea tatua takin nopoangoi in tuḷú nongkon ḷangit inta nomokak kon kuruban mita kon tudu in mezbah tatua.

TAWARIKH 2 7:1

Naonda in ki Datu Salomo nopaḷut mako nosambayang, tuḷú namonagdon nongkon ḷangit bo nomokak kon kuruban mita inta pinosumba kon i Tuhan. Bo sindar kinoangoian i Tuhan nomuḻing kon Baḷoi Tuhan tatua,

MAZMUR 20:3

Igumon mako potabá-Nea mangoi in mototuḷung nongkon Baḷoi-Nea, bo motuḷung nongkon Tombuḷud in Sion.

IḶUAIAN 13:12

moiko in musti moposumba in adí monimu ḷoḷaki inta guya-guyang bo bayongan bobiagon koḷakian inta muna pinogadí. Tua komintan ki Tuhan in kitogi,

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

MOHOHUTUBA 4:4

Kinotaauanku doman kon intau in totokbí in moḷongasi mogaid, tongá popisí in mointoi in mokoontong kon bungai in siniḷopían in topodiugnea. Tua komintan diá in mangaḻenea naonda bo moḷongasi modomok kon tompot.

IMAMAT 9:24

Bo daḻídon in ki Tuhan nopoponag in tuḷú inta nomokak kon bayongan kuruban tubáan takin bayongan ḷongó inta kon tudu in mezbah. Naonda in umat Israel nokoontong kon tua, mosia norogiow bo dinumokó nosumba.

PINOGIAPAN 16:15

Ki Musa sinumorú totok bo noguman kon i Tuhan, “Tuhan, dika motarima kon sosumba monia. Diábí dodai in onda in akuoi nokoporugimai kon tobatúmai intau kon sigad monia; nodapot in diábí doman dodai in onda akuoi nogamá kon tongáka keledai tobatú nongkon i monia.”

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

PINOGIAPAN 18:12

Ogoi-Ku kon inimu in bayongan inta totok in mopia nongkon bungai in boyó dungkuḷ inta pinosumba in intau Israel kon i-Nakó pomuḷoi in taong, tuata in ḷana zaitun, tubig in anggur bo gandum.

PINOGIAPAN 18:17

Táe sapi, domba bo bembé inta muna pinogadí, in diábí motaau tobuton. Bobiagon tatua in sinantú bidon kon i-Nakó bo musti pokuruban. Pobutak in dugúnea kon mezbah bo ḷongónea in tubádon mobaḻí kuruban. Ronginginea mokosanang kon gina-Ku.

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

IBRANI 9:22

Aka podudui kon hukum in agama Yahudi, yo gogió bayongan in yagi-yagi daritanbí in dugú, bo dosa mita in motaau ampungan táe musti dugúon.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

HAKIM MITA 6:21

Onda intua malaekat i Tuhan nopotundú in tungkud inta kokada-kadainea nodapot in popodnea tatua noiḻiai kon ponoyá bo roti tatua. Dinumokot in batu tatua bo nodaitdon nopokak in ponoyá bo roti tatua. Onda intua malaekat tatua diádon inontong.

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.