KINOBAḺIAN 4:22 - Alkitab Singog In Mongondow Masa In Tanaa

²² Ki Zila in nopononggadí kon i Tubal-Kain, buínea mogogaid kon bayongan pakakat nongkon tambaga bo uatoi. Ki ai-ai bobay i Tubal-Kain tangoinea ki Naama.

KINOBAḺIAN 4:22 Iomraidhean Croise

KINOBAḺIAN 4:21

Ki ai-ainea tangoinea in ki Yubal, bo buí i Yubal naa in mopia totok mopogogitog in musik kecapi bo bansí.

KINOBAḺIAN 4:23

Nogumandon in ki Lamekh kon i buḷoinea doyowa tua, “Ada kamunda i Zila, indongogaipa! Tobatú tayowmobiag iḻimodku sin sia ain nomongkug kon inakó.

TAWARIKH 2 2:7

Tuamai, poigumonku in ki Tuang mopotabá mamangoi kon inami in intau tobatú inta mopandoi mongurig bo motaau momia kon ḷambá nongkon buḷawan, saḷaka, bitú, uatoi bo mopandoi doman momia kon didit nobidu, nokasumba bo nopura. Sia in mogaidon moyotakin in mogogimok mita kon Yohuda bo kon Yerusalem inta ain piniḻí i amáku ki Daud.

IḶUAIAN 25:3

sosumba tatua ná tanaa: buḷawan, saḷaka, bitú

PINOGIAPAN 31:22

Bayongan in yagi-yagi inta diá kaanon in tuḷú, ná buḷawan, saḷaka, tambaga, uatoi, tangat mobudó bo tangat morondí, musti potusion kon tuḷú. Onda intua barang mita tatua in musti potusion doman in tubig in upacara ponusian sinbá diádon monajis bui. Bayongan in barang ibanea inta mopokak musti potusion in tubig upacara ponusian.

ULANGAN 33:25

Igumon mako kotánea mita in oḻingoian in ḷoḻingkop mita in ngara nongkon bitú bo uatoi sinbá kobiagannea in umuran moaman bo motompia.”

ULANGAN 8:9

Kon tua moiko in diábí koaputan in gogoy ande kodaitan. Batu karangnea oyúon in uatoi, bo buḷudnea mita motaau pongaḻian monimu kon bitú.