KINOBAḺIAN 4:16 - Alkitab Singog In Mongondow Masa In Tanaa

¹⁶ Bo minayádon in ki Kain nongkon tayowon i Tuhan bo nogutun kon butá inta tangoinea “Pinoḷaḻean” kon dotá in pomukaan nongkon Eden.

KINOBAḺIAN 4:16 Iomraidhean Croise

KINOBAḺIAN 3:8

Moḷoḷabung tua dinongog monia kon ki Tuhan Allah namangoi in taman, bo nogadop in taya dua kon sigad in pangkoi in kayu mita inta kon bonu in taman tatua sinbá diá ontongon i Tuhan.

KINOBAḺIAN 4:14

Iko Tuhan mopoguntun kon inakó nongkon butá tanaa, mokopoyayú nongkon tayowon-Mu. Akuoi in mobaḻí intau inta tongá umuran maya-mayá mako inta diá kotampat pogutunan kon dunia naa, bo akuoi in ḻimodon i inekadon inta moyodungkuḷku.”

KINOBAḺIAN 4:17

Ki Kain bo ki buḷoinea nokouḻí kon adí ḷoḷaki, inta sinangoian monia ki Henokh. Onda intua ki Kain noposindog in kotá tobatú bo sinangoiannea in kotá tatua tangoi i adínea tatua.

DATU MITA 2 13:23

Táe notabi in ki Tuhan kon umat-Nea bo inampungan-Nea in mosia. Doíbí in Sia mopomayá mako yopúon táe sinuḷungan-Neabí in mosia, sin monorop kon dodandian-Nea takin i Abraham, i Ishak bo i Yakub. Dapot in tanaa diábí kon dodai in onda in koḻiongan-Nea in umat-Nea.

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

AYUB 1:12

Dá guman i Tuhan kon Ibilis, “Mopia, aidaidon in onukabí kon bayongan in kaoyúonan i Ayub, asaḷ bo dika yoyigaanmu in sia!” Bo minayádon in Ibilis tatua nongkon tayowon i Tuhan.

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

AYUB 20:17

Diábí konanamannea in ḷana in zaitun inta mobayong totok, andeka susu bo biluk inta moiḻimpo-ḻimpó.

MAZMUR 5:11

Hukumdon in mosia, o Allah, pomayádon mako in mosia mobodito popisí in tomayánea tontaní. Untundon in mosia sin nobayongdon in dosa monia, sin mosia in nomarontakdon kon ini-Mu.

MAZMUR 68:2

Ki Allah in simindog moporarit in musung-Nea intau inta mondoí kon i-Nia in moḷagui nongkon tayowon-Nea.

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

YEREMIA 23:39

dá Akuoi in mopuyut kon i monia, bo mopogambat kon i monia koyayúon, pinomayá mosia andeka kotá inta ain inogoi-Ku kon i monia bo mogoguyang monia.

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

YUNUS 1:3

Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

LUKAS 13:26

Dá moiko in moguman doman nanaa, ‘Kami inta ain nongaan bo nonginum noyotakin i Tuang, bo ki Tuang doman inta ain nopoyaput in Habar Mopia kon kotá mita nami!’

YOHANES 1:10

Pirman tatua in naadon kon dunia, Siabí tua in nomia kon dunia naa, táe dunia in diábí nonotaau kon i-Nia.

YOHANES 1:3

Bayongan in yagi-yagi pinomia pinodoyon kon i-Nia, bo nongkon bayongan inta oyúon, diábí in tobatúmai in pinomia diá pinodoyon kon i-Nia.

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.