KINOBAḺIAN 4:15 - Alkitab Singog In Mongondow Masa In Tanaa

¹⁵ Táe ki Tuhan in noguman, “Diábí. Aka iko Ḻimodon, dá tontuḻínea kon tua, pitu intau takin inta noḻimod kon inimu in ḻimodon doman.” Onda intua ki Tuhan nobogoi in tomponuot kon i Kain sinbá ki inekabí in moyodungkuḷnea yo diá moḻimod kon inia.

KINOBAḺIAN 4:15 Iomraidhean Croise

KINOBAḺIAN 4:24

Aka pitu intau ḻimodon sin motuḻí kon pinoḻimodan i Kain, dá pitu nopuḷú bo pitu intau in ḻimodon aka akuoi in ḻimodon.”

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

AMSAL 6:31

Bo aka kodomokan in sia yo mustibí in sia moguboḻi kon tua kopitu nongkon tua, tuamai in sia mustibí kobuḻian in bayongan kaoyúonannea.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

HOSEA 1:4

ki Tuhan in noguman kon inakó, “Tangoiai in ki adímu tatua ki Yizréel sin diádon moonggot bo hukumon-Ku in datu in Israel popisí in pinoḻimodan inta inaidan i Yehu, mogoguyangnea, kon Yizréel. Toimpaḷut-Kudon in pomarentaan in buí i Yehu.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

IMAMAT 26:21

Aka moiko umuranpa doman monoḻikud kon i-Nakó bo doí mokopotoindudui kon i-Nakó, dá hukumanmu in dugangan-Ku bui inta kobogatnea kopitu ná tatua.

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

MATIUS 26:52

Ki Yesus in noguman kon inia, “Tungkogdon bui in pitowmu kon gumánea, sin ki ine in momaké in pitow, yo sia in matoi doman in pitow.

WAHYU 14:11

Poyok in tuḷu inta mopororiga kon i monia tua in umuran bidon moidamonik. Singgai doḷom diá goga-gogaian poposikisaan kon i monia inta nosumba kon mahaḷuk tatua bo patongnea bo inta ain sinon tandaan in tangoi mahaḷuk tatua.”

WAHYU 14:9

Malaekat intoḷunea dinumudui doman kon malaekat taya dua tatua bo sindaḷan doman nopobaḷú noropot, nanaa, “Intau inta mosumba kon mahaḷuk tatua takin patongnea, bo oyúon tanda in mahaḷuk tatua kon pogot ande kon ḻimanea,