KINOBAḺIAN 4:10 - Alkitab Singog In Mongondow Masa In Tanaa

¹⁰ Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

KINOBAḺIAN 4:10 Iomraidhean Croise

KINOBAḺIAN 18:20

Nopaḷut mako kon tua ki Tuhan noguman kon i Abraham, “Nobarong in pinoyaput in soaḷ mokobogat kon Sodom bo Gomora, bo totuu kon dosa monia tua totok moḷoben.

KINOBAḺIAN 3:13

Ki Tuhan Allah in noḻibó kon bobay tatua, “Nongonu sin inaidanmubí intua?” Tubagnea, “Akuoi inuboḷan in uḷag tatua, sahingga in kinaanku bungai in kayu tatua.”

KINOBAḺIAN 9:5

Pomuḷoi intau bo mahaḷuk inta moḻimod kon intau in hukumon-Kubí dapot in matoi.

TAWARIKH 2 28:9

Nabi i Tuhan tobatú inta ki Oded in tangoinea nogutun kon kotá in Samaria. Kon tungkuḷ in tontara in Israel nobui bo nodia kon intau mita inta dinakop nongkon Yohuda, ki Oded minayá nokipodungkuḷ kon i monia kon dodai in mosia tumuotdon kon kotá. Sia in noguman, “Moiko in nonaḷowdon kon intau in Yohuda sin ki Tuhan in mogoguyangmu in sinumorúdon kon i monia. Táe ki Tuhan in nokodongogdon kon naonda in kororomú monimu in noḻimod kon tontara in Yohuda.

AYUB 16:18

Ei dunia, raat kon inakó dikabí bunion; dika pomayá mako in kuaniku mopoigum in koadilan.

AYUB 24:12

Kon kotá mita kodongogandon in amui in intau inta dongkadon oḷaton, intau mita inta pinaḻían nokuani mokituḷung, táe ki Allah in diábí nokidongog kon sambayang monia; Sia in doíbí mopandungmai kon i monia.

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

MAZMUR 72:14

Sia in mopoḷuat kon i monia nongkon pondorotan bo aid mobogat, sin kobiagan monia moḷoben in mangaḻenea kon inia.

MAZMUR 9:12

Dayowdon in ki Tuhan inta nomarenta kon Sion! Oumandon in onu inta pinomia-Nea kon bangusa mita!

MAZMUR 9:13

Sin kotoropan-Nea in intau inta kinoantugan in roriga bo diábí koḻiongan-Nea in kuani monia; intau inta mogaid kon inta moraat in hukumon-Nea.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

PINOGIAPAN 35:33

Aka aidan monimu in natua, yo moiko in nokoporomúdon kon butá inta pinogutunan monimu. Poḻimodan mokoporomú kon butá; dá diábí in aid ibanea mondarit in butá tatua koḻikudbí in monginggamá kon kobiagan in intau inta noḻimod tatua.

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

ULANGAN 21:1

“Aka kon butá inta inogoi i Tuhan Allahmu kon inimu bo kinokadapatan kon oyúon in intau minatoi iḻimod kon gobá bo diá kinotaauan mongo ki ine in noḻimod kon inia,

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

YOSUA 7:19

Ki Yosua noguman kon i Akhan, “Adíku, pongakudon bo pogumandon kosilang kon naa kon tayowon i Tuhan, Allah in Israel, onu inta ain inaidanmu. Potaaudon kon inakó, dikadon bunion.”

SAMUEL 1 13:11

táe ki Samuel in noḻibó, “Onudon degá in inaidan i Tuang?” Tubag i Saul, “Inontongku rayat in momangkoidon monaḷámai kon inakó, bo ki Amá in diápa doman noiangoi podudui in wakutu inta ain sinantú i Amá. Apa doman intau in Pilistin ain noyosipun kon Mikhmas.