KINOBAḺIAN 39:2 - Alkitab Singog In Mongondow Masa In Tanaa

² Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

KINOBAḺIAN 39:2 Iomraidhean Croise

KINOBAḺIAN 21:20

Ki Ismael sinakinan i Allah. Adí tatua koḷoben-koḷobendon; sia in nogutun kon padang gurun Paran, bo nobaḻí momomiot inta motoyang.

KINOBAḺIAN 21:22

Kon dodai intua ki Datu Abimelek bo ki Pikhol, panglima in tontaranea, namangoi kon i Abraham bo noguman, “Ki Allah ain notuḷung kon inimu kon bayongan in yagi-yagi inta inaidanmu.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 26:28

Tubag monia, “Tanaa in kinotaauandon nami kon ki Tuhan nogoḻiung kon inimu bo kon bonu in raian nami maníka kita mogaid kon dodandian. Pongibotdon

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

KINOBAḺIAN 39:23

Itoi in ponjara tatua diá bidon umuran moindoimai kon onu inta ain pinoki aidnea kon i Yusup, sin ki Tuhan notuḷung kon inia dapot in bayongan inta aidannea umuranbí mobaḻí motompia.

KINOBAḺIAN 39:3

Inontong i Tuangnea kon ki Tuhan notuḷung kon i Yusup dá tuamai ki Yusup umuran mokodungkuḷ kon inta mopira onukabí in aidannea.

DATU MITA 2 18:7

Tuamai in ki Tuhan umuran motuḷung kon inia dá bayongan inta ḷongasionnea in nodaitbí kodapotan. Sia in nomarontak kon i datu in Asyur, bo doíbí tumungkud kon inia.

TAWARIKH 1 9:20

Ki Pinehas adí i Eleazar – igumon mako ḷukadan i Tuhan in sia! – nokoimontan in nobaḻí tongguḷu monia.

TAWARIKH 2 1:1

Ki Salomo ki adí ḷoḷaki i Daud nobaḻídon datu inta moropot in kinoḻitúannea kon bonu in dodatuan Israel. Ki Tuhan Allahnea in nomarakat kon inia bo nopobaḻí kon inia mokawasa totok.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YEREMIA 15:20

Iko in baḻíon-Ku naonda bo dinding porunggu kon i monia. Mosia in momarang kon inimu, táe diábí mokotaḷow kon inimu. Takinan-Kubí in iko sin moḷukad bo moposaḷamat kon inimu.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

OUMAN IN RASUL MITA 8:31

Dá intau tatua in notubag, “Naondabí in komomangaḻeku aka diá in intau mopomangaḻe kon i nakó?” Dá sinongganutannea in ki Pilipus sinumakoi kon keretanea tatua.

TIMOTIUS 1 6:1

Intau mita in Keresten inta nobaḻídon ata in mustibí tantú mohoromat kon i tuangnea, sinbá tangoi i Allah bo inta sinundú i Allah kon i naton in diá singkuḻeon intau.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

YOSUA 6:27

Ki Tuhan umuran kotaki-takin i Yosua, bo tangoi i Yosua kino tango-tangoiandon kon butá tatua.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 18:14

Umuran in sia mokoḷapat kon bayongan in oaidannea, sin ki Tuhan in notuḷung kon inia.

SAMUEL 1 18:28

Natua in nobaḻí dá kinotaauandon i Saul kon ki Tuhan in noḷukadon bo kinotabi i Mikhal; adínea bobay.

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.