KINOBAḺIAN 39:12 - Alkitab Singog In Mongondow Masa In Tanaa

¹² Ki buḷoi Potipar nokadai kon jubah i Yusup bo poḷatnea inugut bo noguman, “Igai mosiug moyotakin in kitada.” Ki Yusup in nomarow bo nokobuḻidon, bo poḷat in sia iḻumuai noḷagui, táe jubahnea kokada-kadaipa in bobay tatua.

KINOBAḺIAN 39:12 Iomraidhean Croise

KINOBAḺIAN 39:10

Umpaka ki buḷoi Potipar umuran modondouḷug kon i Yusup pomuḷoi in singgai, táe tayowmobiag tatua in umuranbí doman doí mosiug takinnea.

KINOBAḺIAN 39:11

Kon singgai tobatú kon dodai in ki Yusup sinumuot kon baḷoi sin mogaid kon oaidannea, diá tobatúmai intau in kon tua.

KINOBAḺIAN 39:13

Naonda in ki buḷoi Potipar nokoontong kon ki Yusup ain noḷagui bo jubahnea in kinotaḷáan,

KINOBAḺIAN 39:8

Doí in ki Yusup bo sia in noguman kon i buḷoi Potipar, “Ampung, Nyora, ki tuang Potipar ain nopopirisaya in bayongan kapunyaannea kon inakó. Sia diá in bidon paraḷu momikir kon onuka in kon baḷoi tanaa.

SAMUEL 2 13:11

Táe naonda in pinoyoyok i Tamar in kukis tatua kon inia, kinadaian i Amnon in mongodeaga tatua poḷat noguman, “Ai-aiku, koḻigai mosiug takinku!”

AMSAL 1:15

Dikabí dumudui kon intau mita natua, adíku! Pokoyayúdon kon i monia.

AMSAL 5:8

Pokopoyayúdon kon bobay inta ná tatua! Modapotbí in dika dimiug kon baḷoinea.

AMSAL 6:5

Poḷuatdon in awakmu nongkon poyogaḷap tatua naonda bo ḷagapan andeka rusa noḷagui nongkon intau inta motayak kon inia.

MOHOHUTUBA 7:26

Nouḻíku kon naanta yo bobaybí in mopai-pait in popatoi. Ibog in bobay tua in naonda bo pukot bo poyogaḷap inta ain sinaan mako. Koyotnea in naonda bo kayu pinoumantungan. Intau inta dinumudui kon ibog i Allah in moiyayúbí kon poyogaḷapnea, táe intau baradosa in notantú bidon kon kodomokannea.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

SAMUEL 1 15:27

Bo nomurowdon in ki Samuel sin mayádon, táe sinahang i Saul in sia takin kinumadai kon jubahnea, dá noberak in jubah tatua.