KINOBAḺIAN 39:1 - Alkitab Singog In Mongondow Masa In Tanaa

¹ Ki Yusup ain dinia in intau mita Ismael tatua kon Mesir, bo pinotaḷui kon i Potipar, tobatú porwira i datu inta nokadai kon jabatan saḷaku tongguḷu in moḷoḷukad kon komaḻig.

KINOBAḺIAN 39:1 Iomraidhean Croise

KINOBAḺIAN 37:25

Kon tungkuḷ in mosia koyogot mongaan, indoianmai noitaḻibdon in kapilah intau in Ismael, intau tatua kon binayáan nongkon Gilead mopobayá in Mesir. Unta mita monia nodatog kon pododungú mita, balsam bo taḷong.

KINOBAḺIAN 37:28

bo naonda in tongonumai intau in Midian mododagang noitaḻib, ki Yusup pinoḷuaidon i guya-guyangnea mita nongkon bonu in parigí tatua bo pinotaḷui kon intau Ismael tatua, boḻinea in doyowa nopuḷú in doit saḷaka. Onda intua ki Yusup diniadon in podagang mita tatua minayá in Mesir.

KINOBAḺIAN 37:36

Kon dodai intua, kon Mesir, intau mita in Midian ain nopotaḷui kon i Yusup kon i Potipar, tobatú pogawai i datu inta pongawal Komaḻig.

KINOBAḺIAN 40:3

bo mosia in pinobonuneadon kon ponjara kon bonu in baḷoi moḷoḷukad kon komaḻig, kon tampat pinomonjaraan kon i Yusup.

KINOBAḺIAN 45:4

Bo ki Yusup in noguman kon i monia, “Kodiugdon magí kon naa.” Mosia in dinimiugdon, bo sia in nogumandon bui, “Akuoi naa in ki Yusupbí, inta ain pinotaḷui monimu kon intau in Mesir.

MAZMUR 105:17

Táe Sia in nopotabá kon intau tobatú inumuna kon i monia, ki Yusup, inta ain pinotaḷui nobaḻí ata.

OUMAN IN RASUL MITA 7:9

Táe popisí in mointoi kon i Yusup dá mogoguyang naton ibanea tua in nopotaḷui kon i Yusup kon intau in Mesir, táe umuran sinakinan i Allah in sia,