KINOBAḺIAN 38:7 - Alkitab Singog In Mongondow Masa In Tanaa

⁷ Gogutú i Er moraat totok, dá ki Tuhan sinumorú bo nomatoi kon inia.

KINOBAḺIAN 38:7 Iomraidhean Croise

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 19:13

sin kotá tanaa in pagongondon nami. Ki Tuhan ain nokodongog kon onu mita inta pinonapud kon intau mita inta nogutun kon naa, bo kami ain pinotabá-Nea mangoi sin moyompat kon kotá in Sodom.”

KINOBAḺIAN 38:6

Ki Yohuda nopotonibuḷoi kon i Er, ki adínea inta guya-guyang takin i Tamar.

KINOBAḺIAN 46:12

Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

KINOBAḺIAN 6:8

Táe kobobiag i Nuh in nokosanang kon gina i Tuhan.

DATU MITA IMITÁNEA 17:20

bo nosambayang noropot, “Oo Tuhan, Allahku, nongonu sin pinopoangoi-Mubí in bodito tanaa kon boba-bobay tanaa? Sia in nobogoidon in pogutunan kon inakó bo tanaa in iḻimod-Mubí in ki adínea!”

TAWARIKH 1 2:3

Adí ḷoḷaki i Yohuda in taya ḻima. Nongkon i buḷoinea inta ki Batsyua, bobay in Kanaan, pinononggadí in ki Er, ki Onan bo ki Sela; nongkon i buḷoinea inta ki Tamar, inta ki mototakanea tontaní, pinononggadídon in ki Peres bo ki Zerah. Ki Er ki adí guya-guyang i Yohuda tatua in totok in moraat, dá iḻimod i Tuhan in sia.

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

PINOGIAPAN 26:19

Nongkon suku i Yohuda: Inanakan i Syela, i Peres, i Zerah, i Hezron bo i Hamul. Ki adí i Yohuda doyowa inta ki Er bo ki Onan, ain minatoi kon butá in Kanaan.

SAMUEL 1 2:25

Aka intau mogaid kon taḷá kon tumpaḷa intau, yo motaaupabí tuḷungan i Allah; táe aka intau momia kon dosa kon i Tuhan, yo ki ine in motaau motuḷung kon inia?” Táe doíbí in mosia mokidongogmai kon tonggina i Eli, amá monia, sin sinantúdon i Tuhan kon ḻimodon in monia.