KINOBAḺIAN 38:25 - Alkitab Singog In Mongondow Masa In Tanaa

²⁵ Koyogot in ki Tamar dinia iḻumuai, sia nokidia in koyow kon i Yohuda ki nunutonnea, kainia, “Akuoi aindon nobaḻí sidia nanaa sin aid in intau inta kitogi barang mita tanaa. Pirikisaka mongo ki ine in kitogi stempel takin togotnea tanaa bo tungkud tanaa.”

KINOBAḺIAN 38:25 Iomraidhean Croise

KINOBAḺIAN 37:32

Onda intua jubah tatua pinoki atod monia kon i amá monia takin koyow, “Jubah tanaa nouḻí nami. Pirikisaka mongo jubah i adí i Papa in naa?”

KINOBAḺIAN 38:18

“Onu in kokantangan tua?” ki Yohuda in noḻibó. Tubag i Tamar, “Ogoiaidon in akuoi stempel i Tuang takin togotnea bo tungkud doman inta kodia-dia i Tuang tanion.” Ki Yohuda nobogoi in barang mita tatua kon inia, bo mosia in nosiug noyotakin, bo ki Tamar sidiadon.

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

YEREMIA 2:26

Ki Tuhan in noguman, “Naonda bo mononakow inangoian in oyá naonda in kinodomokan, natuata in moiko komintan in mooyábí doman, ei intau in Israel, datu mita bo intaumu mita moḷoben, imang mita bo nabimu mita!

SURAT I PAULUS KON JAMAAT RUM 2:16

Natuata in mobaḻí kon singgai inta ain sinantú tua. Kon Singgai tatua, podudui in Habar Mopia inta pinoyaputku naa, ki Allah pongin i Yesus Kristus mohakim kon bayongan inta noibuni kon bonu in gina bo raian in bayongan intau.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.