KINOBAḺIAN 38:23 - Alkitab Singog In Mongondow Masa In Tanaa

²³ Ki Yohuda in noguman, “Pomayádon mako barang mita tatua kon iniadon, asaḷ bo kita in diá pokooyáanmai. Akuoi ain noramuji moguboḻi, táe diá nouḻímu in sia.”

KINOBAḺIAN 38:23 Iomraidhean Croise

KINOBAḺIAN 38:22

Bo nobuidon in ki Hira kon i Yohuda bo noguman, “Diábí nouḻíku in bobay tatua. Podudui in katarangan intau diábí nokoimontanmai oyúon in bobay sundaḷ kon tua.”

KINOBAḺIAN 38:24

Degá toḷumai nobuḷan noiduduimai kon tua ki Yohuda nokouḻí kon habar kon ki Tamar mototakanea tatua sinumundaḷ bo sidiadon. Bo ki Yohuda nobogoi in parenta, “Gamádon in sia bo tubá dapot in matoi!”

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

AMSAL 6:33

Sia in rorigaanbí bo singkuḻeon. Tangoinea in mogoguyaat bidon modapot in mononoi.

SURAT I PAULUS KON JAMAAT RUM 6:21

Kon wakutu intua onu in kauntungan nouḻí monimu kon dodai in nogaid kon soaḷ mita inta tanaa mako mooyádon in moiko mogaid? Aid mita tatua in tongábí modia mayá in popatoi!

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

EPESUS 5:12

Sin onu inta inaidan monia inta inumuni-uni tua, umpaka tongá ouman yo mokooyádon.)

WAHYU 16:15

“Indongogaidon! Akuoi in mamangoi ná mononakow! Mosanangdon totok in intau inta umuran mobasadia bo inta umuran monarukiramai kon pakeangnea, simbá diá mopilang in sia in maya-mayá mako, bo koontongan intau moantó in dodiaannea!”