KINOBAḺIAN 38:19 - Alkitab Singog In Mongondow Masa In Tanaa

¹⁹ Ki Tamar nobui kon baḷoinea bo nobuká kon oḻingoi in pogotnea, bodongka nomaké bui in ḷambungnea saḷaku mobobaḷu.

KINOBAḺIAN 38:19 Iomraidhean Croise

KINOBAḺIAN 38:14

Dá sia in nomaḷui kon pakeangnea nobaḷu takin pakeang ibanea. Pogotnea inoḻingoiannea, bo minayá in sia iḻimitú kon ngara in kotá Enaim, inta noiukat kon daḷan mopobayá in Timna. Kinotaauan totok i Tamar kon ki Syela, ki adí i Yohuda inta muit tua ain noḷoben, táe sia in diápa doman pinotonibuḷoi takin tayowmobiag tatua.

KINOBAḺIAN 38:18

“Onu in kokantangan tua?” ki Yohuda in noḻibó. Tubag i Tamar, “Ogoiaidon in akuoi stempel i Tuang takin togotnea bo tungkud doman inta kodia-dia i Tuang tanion.” Ki Yohuda nobogoi in barang mita tatua kon inia, bo mosia in nosiug noyotakin, bo ki Tamar sidiadon.

KINOBAḺIAN 38:20

Noḻin onggotmai nongkon tua ki Yohuda nopotabá kon i Hira, yobayatnea, sin mogatod kon bembé bo mogamá bui kon barang mita inta ain inogoinea saḷaku kokantangan, táe ki Hira diá noyodungkuḷ in bobay tatua.

SAMUEL 2 14:2

tuamai nokioiní in sia in bobay mobijaksana tobatú inta nogutun kon Tekoa. Naonda in bobay tatua noyaput mangoi, noguman in ki Yoab kon inia, “Ki iná in musti ki ubo-uboḷmaidon nonogumatoi; pogiḷambungdon in ḷambung pinonogumatoian, bo dika momaké in ḷana mobondu. Pomiadon naonda bo bobay inta ain noonggot in nongombaḷmai kon kinopatoian in intau inta totok in kinotabinea.

SAMUEL 2 14:5

“Nongonu?” noḻibó in ki datu kon inia. Bobay tatua in notubag, “Bobantung naa in dongkadon boba-bobay inta nobiag nobogá. Ki buḷoiku in minatoidon.